३० भदौ, काठमाण्डौं । समाजवादी पार्टी नेपालले असोज ३ गते संविधान दिवसका बारेमा यस्तो निर्णय गरेको छ ।
सो पार्टीका केन्द्रीय प्रचार विभाग प्रमुख प्रशान्त सिंद्धारा सोमबार जारी गरिएको विज्ञप्तिमा संविधानमा विद्यमान त्रुटि रहेकाले संविधान जारी भएको दिन असोज ३ गते खुसीयालीका रुपमा दिपावली पनि नगर्ने र विरोधको रुपमा कालो दिवस पनि नमनाउने निर्णय केन्द्रीय कार्यकारिणी समितिको आइतबारको बैठकले बताइएको छ ।
‘२०७२ सालको विद्यमान संविधान त्रुटिपूर्ण एवंम् अपूर्ण रहेकोले संविधान जारी भएको दिन असोज ३ गतेको सन्दर्भमा खुसीयालीको रुपमा दिपावली वा विरोधको नाममा कालो दिवस दुवै नमनाउने र त्यस्ता कार्यक्रमहरुमा सहभागी पनि नहुने समाजवादी पार्टीको केन्द्रीय कार्यकारिणी समितिको बैठकले निर्णय गरेको छ ।’ सो पार्टीद्धारा जारी विज्ञप्तिमा भनिएको छ ।
सो पार्टीले उक्त दिन ‘संविधान संशोधनको अपरिहार्यता र आवश्यकता’ विषयक अन्तरक्रियात्मक कार्यक्रम सातवटै प्रदेशको राजधानीमा गर्ने बैठकले निर्णय गरेको पनि बताइएको छ ।
वि.सं.२०७६ भदौ ३० सोमवार १६:०४ मा प्रकाशित