Sansar News- Nepal's Fast Khabar Online News Portal

किन लगाइयो जनमोर्चाका अध्यक्ष केसीलाई यस्तो गम्भीर आरोप ?

संसार न्यूज़
८ महिना पहिले
किन लगाइयो जनमोर्चाका अध्यक्ष  केसीलाई यस्तो गम्भीर आरोप ?

३ असोज, काठमाण्डौ । पूर्वउपप्रधान तथा राष्ट्रिय जनमोर्चाका अध्यक्ष चित्र बहादुर केसीले पदको दुरुपयोग गरेको  गरेको आरोपसहितको समाचार सार्वजनिक भएको छ ।

केसीले आफ्ना दुई नातिका बाबुआमानै परिवर्तन गरिदिएको समाचार सुक्रबार साप्ताहिकले लेखेको छ ।

तीनपटक सांसद भएका उनले आफू संविधानसभाको सभासद् भएका बेलामा कानुन छलेर जेठा छोरा सचित्र केसीतर्फका दुई छोरा सचित र सचिन केसीलाई कान्छा छोरा विष्णु केसीको छोरा बनाइदिएका हुन् । उनले दुवै नातिको बाबु मात्रै होइन, आमा समेत फेरिदिए ।

उनले २०६७ माघ ५ गते प्रशासनले पत्तै नपाई जेठा छोराका सन्तानलाई कान्छाका सन्तानमा परिवर्तन गरिदिएका हुन् । उनले सांसद भएका बेला आफ्नो प्रभावमा गाउँ विकास समितिबाट झुटो सिफारिस बनाउन लगाई सोहि सिफारिसको आधारमा जिल्ला प्रशासन कार्यालयबाट नाबालिग परिचय पत्र बनाउन लगाएको देखिन्छ । त्यति मात्र नभएर नेता केसीले त्यहि परिचय पत्रको आधारमा काठमाण्डौंबाट आकस्मिक राहदानी बनाएको पनि बताइएको छ ।

यस विषयमा जनमोर्चाकी सांसद तथा चित्र बहादुरकेसी पत्नि दुर्गा पौडेलले यो ठूलो कुरा नभएको बताएकी छन् । उनले भनेकी छन्–‘केसीजीका कान्छा छोरा आफैं जापान आउने–जाने गर्थे । जेठा छोराको घरपरिवार बिग्रियो । त्यो भएपछि साना छोराहरुको बिचल्ली भयो । पछि हामीले जेठा छोराको जेठा छोरा जापान गएको कुरा थाहा पायौं । हामीले कसरी गएछ भनेर बुझ्दा कान्छाले आफ्नो छोरा बनाएर लगे भन्ने बुझियो तर, यसबारेमा पार्टीमा कुनै कुरा भने उठेन ।

हाम्रो नेपाली समाजमा आफ्नो दाइको छोरालाई आफ्नै छोरा मान्ने चलन छ । यसले राष्ट्रलाई कुनै घाटा पुर्याउँदैन । बाबुआमाले कुरा उठाएका छैनन् । फेरि चित्र बहादुरजी आफै सहभागी भएजस्तै मलाई लाग्दैन । कानुनमा के कुरा छ, मलाई थाहा भएन तर यो ठूलो इस्यु हैन ।’

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ७ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ४ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ५ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…