Sansar News- Nepal's Fast Khabar Online News Portal

कविता : उर्दीसँगको विमति

लक्ष्मी थापा, कास्की रूपाकोट, हाल पोखरा
८ महिना पहिले
कविता : उर्दीसँगको विमति

उस्तै पोटिलो अनुहार
खाइलाग्दो शरीर
आसेपासेको लामै लस्करको बिचबाट
आज फेरि
उर्दी जारी छ
दीपावली मनाउनू

तिमीलाई लाग्दो हो
सिंहासन भेटिएपछि
सबैलाई सधै ढाट्न सकिन्छ
छल्न सकिन्छ
आवश्यकता अनुसार
उर्दी फर्माउन सकिन्छ
ब्युझ यो भ्रमबाट
पल्टाऊ इतिहास र गौड गर
कहिले कहिले ?
कस्ता कस्ता उर्दी जारी भए ?
कसले कहाँ कसरी गरे ?
आज्ञाको पालन ।

के का लागि गरू म दीपावली ?
तिमीले हाम्रै हो भनेर थमाएको संविधानको धारा उपधाराबाट
छङ्छङ गर्दै बगेन
हाम्रो असमानता र गरिबी निर्मूल पार्ने
पवित्र जल
न भेटियो समृद्धिको पूर्वाधार
न त मेटियो राष्ट्र दोहनको शृङ्खला

मलाई माफ गर
म असमर्थ छु
खुम्चिएको मनले
दीप जलाउन
मलाइ आरोप नलाउनू प्रतिगामीको
मलाई पटक्कै रिस छैन
तिम्रो भागको
मलाई पटक्कै डाहा छैन
तिम्रो सिंहासनको
जोगी बन्नकै लागि
हिजो तिमीले झन्डा उचालेका थिएनौ
यो पनि हेक्का छ
तिम्रो रिस या खुसको प्रवाह नगरी
केवल यति भने
यो उर्दीको फर्मान
तिम्रो सिंहासनको टेको बन्दैन
विश्वको दोस्रो …..देशको वासिन्दा
यो दाग मेरो निधारबाट मेटिदैन ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ १ हप्ता पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ४ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए १ हप्ता पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…