Sansar News- Nepal's Fast Khabar Online News Portal

कविता : मलाई पैसा चाहियो

समीर पाख्रिन, नख्खु, ललितपुर
४ हप्ता पहिले
कविता : मलाई पैसा चाहियो

सानो छँदा मलाई
कसैले भनेन
पैसाको महत्व ठूलो हुन्छ
कलिलो बालक थिए
के थाहा मलाई
राम्रो खेलौना, कपडा
महँगो हुन्छ
भनेन मलाई किन कसैले
जन्मदिनमा काटिने केकको दाम
मेरो बुवाको
तीन दिनको ज्याला हुन्छ
म बढ्दै गए
बढ्दै गयो
मेरा इच्छा, रहर,चाहनाहरू
मैले बुझेँ
मेरा बाआमाको कमाई
खाँचो टार्न ठिक्क हुँदोरहेछ
आफ्नो रहर चाहनाको
गला घोटेर
मलाई खुशी
किनिदिनुहुँदो रहेछ
मलाई योग्य र शिक्षित बनाउन
खलखली पसिना बगाउनु हुँदोरहेछ
यसैले
मेरो बाआमाको लागि
पैसाको महत्व
झनै ठूलो रहेछ
देखे उनीहरूको दिनचर्या
दिनभरि ज्याला कमाउन
मरिहत्ते गर्नु पर्दोरहेछ
अर्थात्
गरीबको जीवनचक्र
पैसारूपी घट्टोमा पिसिँदो रहेछ
सानो छँदा
मलाई कसैले भनेन
जीवन यात्रा पैसा बिना ठप्प हुन्छ
पैसा बिनाको जीवन
निस्सार र निर्थक हुन्छ
यसैले आजभोलि मैले
गान्धी र बुद्धका तस्वीरहरू हटाएर
विल गेट्स र अम्बानीको
तस्वीरहरू सजाएको छु
जीवनमा करोडपति कसरी बन्ने
सिद्धान्त र सुत्रहरूका किताबहरू
घोक्ने गरेको छु
किनकि
पैसाको महत्व मैले
जीवनमा ठूलो देखेको छु
जसरी भएपनि पैसा कमाएर
जीवनमा धनाड्य बनेको
हिजो आज मैले
सपना देख्ने गरेको छु
थाहा छ
पैसा पैसा भन्दाभन्दै
एकदिन म पनि
राम नाम सत्य हुनेछु
मूत्युपछि म सधैलाई
संसारबाट बिलीन हुनेछु
न त मलाई कसैले खोज्नेछ
न त संसारमा
मेरो कुनै अस्तित्व रहनेछ
बस् म हिजो थिए आज छैन
क्रमश ः मलाई सबैले भूल्दै जानेछ
जसरी यो संसारले
फगत मृत्युहरू भूल्ने गर्दछन्
मलाई थाहा छ
परोपकार,त्याग, कृतिले
मानिसलाई अमर बनाउँछ
मृत्युपछि पनि मानिस
मन मस्तिष्कहरूमा
सदैव बाँची रहन्छ
तर
म त चाहान्छु
समृद्ध र धनाड्य बन्न
म मा कुनै कृतिको लालसा छैन
मलाई नामी होइन
दामी बन्नु छ
मलाई फूलमाला सम्मान होइन
मेरा लागि
अकुत कमाउने
सबै ढोका नाकाहरू खुलेको हुनुपर्दछ
किनकि
मैले अभाव देखेको छु
गरीबीलाई नजिकैबाट हेरेको छु
जीवनमा पैसाको महत्व
राम्ररी बुझेको छु
सारा ब्रम्हाण्ड
पैसारूपी मिचोमा
फनफनी घुमीरहेको देखेको छु ।।

सर्बाधिक पढिएको

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ २ महिना पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा २ महिना पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

शिक्षक लाईसेन्स : आज नेपाली विषयको नमुना वस्तुगत प्रश्नोत्तर

शिक्षक लाईसेन्स : आज नेपाली विषयको नमुना वस्तुगत प्रश्नोत्तर ३ महिना पहिले | संसार न्यूज़

२४ असार, काठमाडौँ । शिक्षकको पेसागत विकासले गुणस्तरीय शिक्षा प्रदान…

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’ २ महिना पहिले | संसार न्यूज़

३२ साउन, काठमाण्डौं । पत्रकार किशोर श्रेष्ठले पत्रकार शालिकराम पुडासैनीले…