Sansar News- Nepal's Fast Khabar Online News Portal

कविता : पुस्तान्तर..

बालिका अभिलाषी, पोखरा
४ महिना पहिले
कविता : पुस्तान्तर..

असारे झरीले जमिन भिजाउँदा
‘बा’को अनुहारमा घाम उदाउँछ
‘बा’को अनुहारमा उदाएको घाममा
आमाले वर्षभरी रुझेको दुःख सुकाउँछिन्
भाइबहिनी झरीमा स्कुल जान नपरेकोमा खुसी हुन्छन्
र,
रुझ्दै आउँदै ‘बा’ लाई कछुवाको कथा भन्न लगाउँछन्
भाइबहिनीलाई थाहा छैन
हामीलाई दौडाउन बा नै कछुवा भएका छन्
थुप्रै पटक आफू हारेर
हामीसँग जितेको अभिनय गरेका छन्
बा हामीलाई फूलाउन सहर पठाएर
आफू गाउँमा सपना रोप्छन्

बा बिहानै उठेर खेतमा कुलो मिलाउँदा
आमाले दैलोपोतो सकिसक्दा
हामी इन्टरनेटमा फोटो पोस्ट गर्दै
नाइस पिक भन्दै हुन्छौं
बा रातभर हलि, रोपाहर र रोपाइँको चिन्ताले निदाउँदैनन्
हामी विदेशका साथीसँग भाइबर गफले निदाउँदैनौं
आमा पैंचो मागेर मेलामा अर्नी खुवाउँदा खुसी हुन्छिन्
हामी रेस्टुरेन्टमा मःम, चाउमिनमा खुसी हुन्छौं
बा असारे हिलोले गोडा पाक्दा सजिवनको चोप लगाउँछन्
हामी गोडा चम्किलो बनाउन क्रिम लगाउँछौं

बालाई खुब सुहाउँदा माटोको रंग
हामी ब्रान्डेट पाउडर र क्रिम घस्छौं
आमाले आरामले बोकेझैं लाग्छ घाँसको भारी
हामी तरकारी लिन जाँदा पनि ट्याक्सी खोज्छौं
बा–आमा असारमा हरियो सपना रोपेर
मंसिरमा पहेंलो सपना भित्राउँछन्
पसिनामा विस्वास गर्छन्
सपना, पीर र दुखको भारी बोकेर
टुकुटुकु हिँडेका बा–आमा बच्चा झैं लाग्छन्
हामी भविष्य खोज्न निस्केका सन्तान
भविष्य नै नदेखि बुढो झैं गछौं ।

सर्बाधिक पढिएको

अहिलेसम्मकै दुर्लभ ग्रहण भोली लाग्दै, ग्रहण लाग्दा कुन राशिलाई कस्तो असर पर्छ त ?

अहिलेसम्मकै दुर्लभ ग्रहण भोली लाग्दै, ग्रहण लाग्दा कुन राशिलाई कस्तो असर पर्छ त ? ४ हप्ता पहिले | संसार न्यूज़

९ पुस, काठमाडौँ । बिहीबार बिहान करिब पौने ३ घण्टा…

१२ सम्मका पाठ्यक्रम परिवर्तन हुँदै -अनिवार्य विषयबाट गणित हट्यो, गणित हटाइएकोमा विज्ञहरुद्वारा आपत्ति

१२ सम्मका पाठ्यक्रम परिवर्तन हुँदै -अनिवार्य विषयबाट गणित हट्यो, गणित हटाइएकोमा विज्ञहरुद्वारा आपत्ति ३ दिन पहिले | संसार न्यूज़

६ माघ, काठमाडौँ । आगामी शैक्षिक सत्रदेखि विद्यालय तहका सम्पूर्ण…

कक्षा व्यवस्थापनका विविध अभ्यासहरू

कक्षा व्यवस्थापनका विविध अभ्यासहरू ४ हप्ता पहिले | संसार न्यूज़

१. पृष्ठभूमि व्यवस्थापनलाई उपयुक्त तवरले मिलाइएको चाँजोपाँजो वा राम्रो तवरले…

छायाँमा परेका प्रचण्डका यी सहयात्रीहरु

छायाँमा परेका प्रचण्डका यी सहयात्रीहरु ३ हप्ता पहिले | संसार न्यूज़

लामो समयदेखि प्रचण्डपथीय राजनीतिमा क्रियाशील केही नेता तथा राजनैतिक व्यक्तित्वहरु…