Sansar News- Nepal's Fast Khabar Online News Portal

कविता : बधशालामा दशैं

सरस्वती श्रेष्ठ 'सरू'
८ महिना पहिले
कविता : बधशालामा दशैं

बधशालामा–
इतिहासको घाँटी रेट्दै छन् कसाहीहरू
वर्तमानको घाँटी रेट्दै छन्–कसाहीहरू
बधशालामा–
बरू महङ्गीको घाँटी रेटेको भए हुने
अभावग्रस्त समयको घाँटी रेटेको भए हुने
बाढीपीडित निष्ठुरी समयको घाँटी रेटेको भए हुने
कोलाहलमय निर्दयी समयको घाँटी रेटेको भए हुने

घरघरमा एकनासले दशैँ नआएको बेला
बधशालामा–
खै कसकसको घाँटी रेट्दै छन् कसाहीहरू
बरु दिनदिनै फहराइरहने कालो झण्डाको
घाँटी रेटेको भए हुने

दिनदिनै मिचिने सिमारेखा विरुद्धको
घाँटी रेटेको भए हुने

दिनदिनै बढ्ने असुरक्षाको
अनि, हत्या हिंसाको घाँटी रेटेको भए हुने

दिनदिनै बढ्दै गैरहेको दण्डहीनताको
घाँटी रेटेको भए हुने

हो, यस्तै यस्तै घाँटीहरू रेटेको भए
पक्कै पनि
दशैँ दशैँजस्तो हुने थियो सबैको घरघरमा
दशैँ दशैँजस्तो हुने थियो सबैको मनमनमा

यसपालि दशैँको आकर्षक छुटमा
नराम्रोसँग हिर्काएको छ मूल्यवृद्धिले
रुकुम, रोल्पा, जाजरकोट
खाद्यान्न अभावमा
भोकभोकै दशैँ मनाउँदै छन्
अनियंत्रित रोगी साँझहरूको यन्त्रणामा
लाचार लाचार दशैँ मनाउँदै छन्

प्रत्येक शहर, चोक र गल्लीहरूले
असुरक्षाको छुटमा दशैँ मनाउँदै छन्
ठूलाठूला अपराधीहरूले दण्डहीनताको
दशैँ मनाउँदै छन्
समस्त देशबासीहरू
मूल्यवृद्धिको बडा दशैँ
हर्षोल्लासका साथ मनाउँदै छन् ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ १ हप्ता पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ४ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए १ हप्ता पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…