Sansar News- Nepal's Fast Khabar Online News Portal

पाँच मुक्तक

प्रकाश घायल, फुटुङ्ग,काठमाडौ
११ महिना पहिले
पाँच मुक्तक


अँध्यारो नै काफी थियो उसलाई घाम किन उदाउँछ ?
जसको ललाटमा सुख छैन डोको नाम्लो मै रमाउँछ
कम्मरमा पटुकी कसेर भोक तिर्खा बिर्सन्छ सबै
पीरको ओछ्यान आँसुको सिरानीमा दुःख बिसाउँछ ।

२)
अस्तित्व खतरामा पारेर पनि नगद हसुर्न लाग्नुभो
नेपाल र नेपालीको इतिहास खाल्डोमा पुर्नु लाग्नु भो
रहेन चिन्ता यहाँलाई अखण्ड देश र स्वाभिमानको
झन् उहाँ त नेपाली नागरिकता बोकेर दगुर्न लाग्नु भो ।

३)
कुन्ठिएर मरे आँकाक्षाहरू बैँसमा कति रहर फटाएँ
जानीजानी आफू जहर पिउँदै अरुलाई अमृत चटाएँ
दुर्योधन र दुशासनहरू बजारमा खुलेआम देखेपछि
चिरहरण नहोस् भनेर द्रौपदीलाई साडी उपहार पठाएँ ।

४)
मनको मैलो बिस्कुन सरि सुकाउँदा कसो होला ?
मनकै गाँठो तिमी सामु फुकाउदा कसो होला ?
जन्म भएको नै हाँसखेल गरि जिउन भन्छन्
ओठको हाँसो फुलाउन पीर लुकाउँदा कसो होला ?

५)
सिधाकुरा लेख्छु भन्यो कलम अन्तै बाङ्गीदो रहेछ
बेथिति को मलजल पर्दा भ्रष्टाचार झाङ्गीदो रहेछ
जतिसुकै महंगो पहिरनले लाज ढाक्न खोजे पनि,
नैतिकताको धरातलमा मान्छे झन् नाङ्गीदो रहेछ ।।

सर्बाधिक पढिएको

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित)

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित) २ हप्ता पहिले | संसार न्यूज़

काठमाडौं । त्रिभुवन विश्वविद्यालयअन्तर्गतको इन्जिनियरिङ अध्ययन संस्थानले लकडाउनका कारण रोकिएका…

त्रिवि परीक्षा संचालनका लागि समितिले दियो यस्तो चार विकल्प

त्रिवि परीक्षा संचालनका लागि समितिले दियो यस्तो चार विकल्प ३ हप्ता पहिले | संसार न्यूज़

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न…

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन ३ हप्ता पहिले | संसार न्यूज़

२ साउन, काठमाडौं । विश्वव्यापी रुपमा फैलिएको कोरोना महामारी रोकथाम…

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई ३ हप्ता पहिले | संसार न्यूज़

५ साउन,काठमाडौँ । त्रिभुवन विश्वविद्यालयले आगामी भदौ पहिलो सातादेखि परीक्षा…