Sansar News- Nepal's Fast Khabar Online News Portal

एम्बुलेन्स दुर्घटनाका घाइतेको आर्थिक सहयोगका लागि याचना

संसार न्यूज़
१२ महिना पहिले

५ असोज, खोटाङ । बिरामी बोकेको एम्बुलेन्स दुर्घटना हुँदा सख्त घाइते बनेका खोटाङका युवाको अवस्था चिन्ताजनक छ ।

खोटाङ जिल्ला अस्पतालबाट बिरामी लिएर हिँडेकोे ट १ झ ५०१ नंको एम्बुलेन्स दुर्घटना हुँदा सख्त घाइते बनेका दिक्तेल रुपाकोट मझुवागढी नगरपालिका—१ का ३५ वर्षिय युवराज आचार्यको अवस्था चिन्ताजनक भएको हो ।

जिल्ला अस्पतालबाट बिरामी लिएर थप उपचारका लागि विराटनगर लैजाँदै गर्दा गत बिहीबार राति सप्तरी जिल्लाको कञ्चनपुरस्थित बेरियर भन्ने स्थानमा एम्बुलेन्स दुर्घटना भएको थियो । विराटनगरको गोल्डेन अस्पतालमा उपचाररत सख्त घाइते युवराजको अझै होस खुल्न नसकेको उहाँका भाइ इन्द्र आचार्यले जानकारी दिए । कन्चनपुर इलाका प्रहरी कार्यालयका अनुसार भने सख्त घाइते आचार्यको शुक्रबार बेलुकी टाउकोको शल्यक्रिया भएको थियो ।

यसैगरी उपचारका लागि सोही एम्बुलेन्समा अस्पताल लागिएकी वृद्धाको पनि अझै होस खुल्न नसकेको बताइएको छ । राति करीब २ बजेको समयमा रोकिराखेको टिपरलाई ठक्कर दिँदा दिक्तेल रुपाकोट मझुवागढी नगरपालिका–१५ का एम्बुलेन्स चालक ३६ वर्षीय गोविन्द ढुङ्गानासमेत घाइते भएका थिए । चालकको स्थानीय अस्पतालमा उपचार भइरहेको प्रहरी निरीक्षक चन्द्र राजवंशीले बताए । सख्त घाइते आचार्य दिक्तेलबजारस्थित सरस्वती माविमा सहयोगीको रुपमा कार्यरत थिए ।

आचार्यको आर्थिक अवस्था दयनीय हुँदा उपचारका लागि समस्या भएकाले सक्दो सहयोग गर्न आफन्तजन तथा सहयोगीसँथ आग्रह गरिएको उहाँकी श्रीमती जानुका आचार्यले बताए । खोटाङमा जन्मी युकेलाई कर्मथलो बनाइरहेका समाजसेवीको संस्था खोटाङ सेवा समाजले यस जिल्लाका लागि सात एम्बुलेन्स र दुई भिडियो एक्स–रे उपलब्ध गराएको थियो । उक्त एम्बुलेन्समध्ये निर्मलीडाँडालाई केन्द्र बनाएर सेवा प्रवाहका लागि दिइएको एम्बुलेन्स दुर्घटनामा परेको थियो । (रासस)

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो २ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

तमादीको पहिरोमा एक्लै बाँचेकी घाईते मनिषाको प्रश्न : घरका सबै बितेका हुन र ?

तमादीको पहिरोमा एक्लै बाँचेकी घाईते मनिषाको प्रश्न : घरका सबै बितेका हुन र ? १ दिन पहिले | संसार न्यूज़

स्याङ्जा । बिहिबारको बिहानले स्याङ्जा वालिङ, तमादीकी मनिषा नेपालीलाई अत्यन्तै…