Sansar News- Nepal's Fast Khabar Online News Portal

बीउ प्रशोधन गृह सञ्चालन

संसार न्यूज़
१० महिना पहिले
बीउ प्रशोधन गृह सञ्चालन

१३ असोज, लमही । रुकुमेली एग्रो सीड सेन्टरले तुलसीपुर–६ राजापुरमा बीउ प्रशोधन गृह स्थापना गरी सञ्चालनमा ल्याएको छ । उक्त प्रशोधन गृहको उद्घाटन किसानका लागि उन्नत बीउबिजन कार्यक्रमका कार्यक्रम प्रबन्धक कौशलकुमार पौडेलले आइतबार गरे ।
गुणस्तरीय बीउ उत्पादन प्रशोधन गरी किसानलाई जिल्लामै गुणस्तरीय बीउ उत्पादन गरी बजारीकरण गर्ने उद्देश्यले बीउ प्रशोधन गृह सञ्चालन गरेको रुकुमेली एग्रो सीडका अध्यक्ष निर्मलकुमार आचार्यले जानकारी दिए । नेपाल सरकार कृषि विकास मन्त्रालय किसानका लागि उन्नत बीउबिजन कार्यक्रम तरकारी बीउ प्रशोधन तथा बजारीकरण उपआयोजनाको ५० प्रतिशत सहयोग र संस्थाको ५० प्रतिशत लगानीमा बीउ प्रशोधन गृह सञ्चालनमा आएको हो । रु तीन करोड लागतमा सो आयोजना सञ्चालनमा ल्याएको बताइएको छ ।
सञ्चालक माधव केसीले विभिन्न ठाउँमा छरिएर रहेका एग्रोभेट व्यवसायीलाई समेटी २०६९ सालदेखि रुकुमेली एग्रोसिड सेन्टर सञ्चालन गर्दै आएको र गुणस्तरीय बीउ, उत्पादन प्रशोधन, प्याकेजिङ तथा बजारीकरण गर्दे गुणस्तरीय बीउ स्रोत केन्द्रको रुपमा विकास गर्दै अघि बढेको बताए । हालसम्म सेन्टरले रुकुम, सल्यान, रोल्पा, दाङ जिल्लामा रहेका कृषक समूह, सहकारीले उत्पादन गरेका खाद्यान्न तथा तरकारीको बीउ खरीद गरी दाङ ल्याउने र प्रशोधन केन्द्रबाट बजारीकरण गर्ने बताएको छ ।
कार्यक्रममा नेपाल सरकार कृषि विकास मन्त्रालय किसानका लागि उन्नत बीउबिजन कार्यक्रमका प्रबन्धक पौडेलले बीउ जैविक चिज भएको भन्दै, यसलाई संरक्षण गरेर उत्पादनमा ल्याउनुपर्ने बताए । प्रशोधन केन्द्रबाट किसानलाई गुणस्तरीय बीउ दिनसके स्थानीयस्तरबाटै उत्पादनलाई बढाउन सकिने उनको भनाइ थियो । (रासस)

सर्बाधिक पढिएको

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित)

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित) २ हप्ता पहिले | संसार न्यूज़

काठमाडौं । त्रिभुवन विश्वविद्यालयअन्तर्गतको इन्जिनियरिङ अध्ययन संस्थानले लकडाउनका कारण रोकिएका…

त्रिवि परीक्षा संचालनका लागि समितिले दियो यस्तो चार विकल्प

त्रिवि परीक्षा संचालनका लागि समितिले दियो यस्तो चार विकल्प २ हप्ता पहिले | संसार न्यूज़

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न…

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन ३ हप्ता पहिले | संसार न्यूज़

२ साउन, काठमाडौं । विश्वव्यापी रुपमा फैलिएको कोरोना महामारी रोकथाम…

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई २ हप्ता पहिले | संसार न्यूज़

५ साउन,काठमाडौँ । त्रिभुवन विश्वविद्यालयले आगामी भदौ पहिलो सातादेखि परीक्षा…