हामी सबैकाे संसारन्यूज

१४ असोज,  अमेरिका । गैरआवासीय नेपाली संघ अमेरिकाका सदस्य रविन राज बज्राचार्यले एनआरएनएको नियम बिपरित गए कानुनि उपचार रोज्न बाध्य हुने भन्दै अन्तर्राष्ट्रियका अध्यक्ष भट्टलाई खुला पत्र लेखेका छन् ।

उनले सेप्टेम्बर ३० भित्र प्रतिनिधी पठाउनु पर्ने नियम (परिपत्र) अनुसार अमेरिकाको एनसिसीले हालसम्म लिखित रुपमा क्षेत्रिय संयोजककोमा प्रतिनिधीहरुको नाम सिफारिसको लागी पेश नगरेको दाबि गरेका छन् । नियम अनुसार अमेरिकाज क्षेत्रिय संयोजकले पनि सम्पूर्ण डेलिगेटसहरुको नाम आई सि सी मा हाल सम्म सिफारिस नगरेको जानकारी पनि आएको उनको खुला पत्रमा उल्लेख गरेका छन् ।

बज्राचार्यले अगाडी लेखेका छन्,अमेरिकाज क्षेत्रबाट हालसम्म सिफारिस गरिएका ४९ जना भन्दा बाहेक तोकिएको समय पश्चात पठाईएका नामहरु स्विकृत नगर्नु हुन र अन्य प्रतिनिधीहरुलाई सम्मेलनमा भाग लिनबाट बन्चित गर्नु हुन एन आरएनएको नियमानुसार अनुरोध गर्दछु भनि खुला पत्र लेखेका छन् ।

यसको साथै उनले गैरआवासीय नेपाली संघ अमेरिकाको बिशेष अधिवेसन बोलाउन हस्ताक्षर संकलन गरि रहेका पनि छन् ।

उनको खुला पत्रको पूर्ण विवरण जस्ताको तस्तै

आई सी सी का अध्यक्ष्य ज्यू र महासचिवज्यूलाई खुल्ला पत्र,

श्रीमान अध्यक्ष ज्यू,
एन आर एन ए
काठमाडौं

बिषय ः एन आर एन ए बिश्व सम्मेलनमा अमेरिकी प्रतिनिधी बारे

महोदय,

उपरोक्त सम्वन्धमा, नेपालमा हुँदै गरेको हामी सबैको साझा संगठन एन आर एन ए को बिश्व सम्मेलनमा सहभागी हुन बिश्वभरीका एनसीसीबाट हिजो सेप्टेम्बर ३० भित्र प्रतिनिधी पठाउनु पर्ने नियम (परिपत्र) अनुसार अमेरिकाको एनसिसीले हालसम्म लिखित रुपमा क्षेत्रिय संयोजककोमा प्रतिनिधीहरुको नाम सिफारिसको लागी पेश नगरेको र नियम अनुसार अमेरिकाज क्षेत्रिय संयोजकले पनि सम्पूर्ण डेलिगेटसहरुको नाम आईसिसीमा हालसम्म सिफारिस नगरेको भन्ने जानकारी आएकोले, अमेरिकाज क्षेत्रबाट हालसम्म सिफारिस गरिएका ४९ उनानपच्चास जना भन्दा बाहेक तोकिएको समय पश्चात पठाईएका नामहरु स्विकृत नगर्नु हुन र अन्य प्रतिनिधीहरुलाई सम्मेलनमा भाग लिनबाट बन्चित गर्नु हुन एनआरएनएको नियमानुसार अनुरोध गर्दछु । साथै एनआरएनएको नियम बिपरित कदम चाल्नु भएमा कानुनी उपचार समेत रोज्न बाध्य हुने कुराको जानकारी गराउँदछु ।
जय एनआर
भवदिय

रविन राज बज्राचार्य
सदस्य
एनआरएनए
अमेरिका

बोधार्थ
गौरी जोशी क्षेत्रिय संयोजक
नबिन शेरचन क्षेत्रिय उप योजक