Sansar News- Online for Global Nepali

कविता ‘लक आउट्’

निरूविन्दु परियार
१ वर्ष पहिले
कविता ‘लक आउट्’

आमा ! यो लक–आउट् भनेको के हो ?
जब,
प्रश्न गर्छ एउटा अबोध् बालकले

आमाको ओंठ थर्रर काँप्छ
औ,
बेजोड् काँप्छ हातका औंलाहरू

पाईलाहरू डग्मगाउँछ हिँड्दा
जमिनहरू खोसिन्छ बस्दा

आमा ! निशब्द हेरिबस्छिन् पर–पर….

आमा मौन बस्नुमा पनि एउटा स्वार्थ लुकेकोछ
त्यो हो,
सन्तानको ‘जीवित सपना’ को संरक्षण !

आमालाई थाह छ ‘लक-आउट्’ को अर्थपूर्ण विवरणहरू

किनभने-
वर्षभरी मजदुरी गरेर कमाएको एकमात्र भरोषा
जस्ले,
आफू सामुन्ने उभिएर प्राणको आहुति दिन्छ नी ?

हजारौं लाशको थुप्रो लाग्छ !

आमाले भोगेकी छन्
जिन्दगीका एकौं–अनेकौं लक–आउट्हरू

आँसुको भाषा नबुझ्ने
पसिनाको मोल नचिन्ने
कत्ति निर्दयी छ यो ‘लक–आउट्’ भनाउँदाहरू

जब, लक–आउट्को कानुन लागु हुन्छ
कमानहरूमा
उफ !
क्षितिजबाट घाम हराउँछ
घामबाट हराउँछ किरणहरू
औ,
धुईं–धुईंती खोज्नु पर्छ रातमा जुन

मानवताले आफ्नै आँखा छोप्छ

हराउँछ मन्दिरबाट इश्वर
अनि
खोसिन्छ श्रमिकहरूको हक् र अधिकार

आमालाई थाह छ !!!

‘लक–आउट्’ भनेको
इच्छा–आकांक्षाको पोष्ट–मार्टम गर्ने मुर्दाघर हो

यो ‘लक–आउट्’ भनेको
आशाहरूको दाह–संस्कार गर्ने चिता हो
साँच्नै नै,
जीउँदो सपनाहरू दफ्नाउने चिहान हो

मृत्यू भन्दा कतैव कम छैन
यो ‘लक–आउट्’
अङ्ग्रेजी हैकमबाद भन्दा नी कम छैन
यो ‘लक–आउट्’

जब,
लक–आउट्को बोर्डहरू टाँसिन्छ
कारखानाको मेन गेट्मा,
दैनिक हाजीराको अपहरण हुन्छ
र बोनसको चिरहरण

फगतः
ताला झुन्डिन्छ मान्छेको मुखमा,
गाँस–बास र कपासमा

र विस्तारै बिर्को लाग्छ भाग्यहरूमा….!

श्रमका पुजारीहरू हैंजाको चपेटमा परे पश्चात
उद्धेश्यहरू कोमामा जान्छ
अन्तमा,
अस्पताल बनाइछाड्छ चियाबारीहरू

समस्याहरू लक–आउट्को बन्दुक बोकेर
तैनाथ हिँडीबस्छ
भविश्यहरू बन्दी बनाएर

खोई,
यो लक-आउट् ! कस्ले गर्ने
‘लक–आउट् ???’

जल्ढक्का कालिम्पोङ्ग

सर्बाधिक पढिएको

नेपाली सेनाले माग्यो सिभिल कर्मचारी

नेपाली सेनाले माग्यो सिभिल कर्मचारी ७ दिन पहिले | संसार न्यूज़

११ मंसिर, काठमाडौं । नेपाली सेनाले करार सेवामा जनशक्तिको माग…

ठूलो संख्यामा लोक सेवाको विज्ञापन ( हेर्नुस् यो सूचना)

ठूलो संख्यामा लोक सेवाको विज्ञापन ( हेर्नुस् यो सूचना) १ हप्ता पहिले | संसार न्यूज़

८ मंसिर, काठमाडौँ । बागमती प्रदेश लोक सेवाले ठुलो सङ्ख्यामा…

यसरी गरे पूर्वसभामुख महराले पत्नीको अन्तिम विदाई (तस्बिरसहित)

यसरी गरे पूर्वसभामुख महराले पत्नीको अन्तिम विदाई (तस्बिरसहित) ४ हप्ता पहिले | संसार न्यूज़

१९ कात्तिक, काठमाडौं ।  पूर्वसभामुख कृष्णबहादुर महराले उपचारका क्रममा मृत्यु…

सेनाका पाँच प्रमुख सेनानीहरु महासेनानीमा बढुवा

सेनाका पाँच प्रमुख सेनानीहरु महासेनानीमा बढुवा ३ हप्ता पहिले | संसार न्यूज़

२७ कार्तिक, काठमाडौँ । नेपाली सेनाका पाँच प्रमुख सेनानीहरु महासेनानीमा…