Sansar News- Nepal's Fast Khabar Online News Portal

कविता : त्यो आउँछ

राधा पाण्डे,गैंडाकोट–१६ नवलपुर
८ महिना पहिले

हरेक वर्ष
रितिरिवाज र
धर्म संस्कृतिको नाममा
प्रतिस्पर्धी बनेर
त्यो आउँछ

मैले जस्तै
कतिले नचाहादा पनि
त्यो आउँछ
स्वतन्त्र जीवनमा
बाध्यताको साइनो लगाउँदै
कर्जाको नेल भिराउँदै
त्यो आउँछ

पहिलो वर्षकै डाहा नमेटिदै
फेरि अर्को साल त्यो आउँछ

हरेक वर्ष त्यस्को स्वागतार्थ खर्चिदा
बन्दकी राखेको बचनको अंश
मैले फुकाउन सकेको छैन
धितो राखेको पुर्खाको ईमानदारिता
छरछिमेकभरी तिर्नै बाँकी छ
सधैं विस्वास र ईमान्दारिताको भाका खप्टाउन
त्यो आउँछ

मेरो जीवनको तीन हिस्सा
बोली, बचन र ईमानमै अड्यो
बाँकी प्रौढपनको हिस्साले अब
त्यसको आगमन थेग्ने मसंग सामाथ्र्य छैन
र, पनि बासै बस्नेगरि त्यो आउँछ

रुखका पहेंला पात झरेझैं झरिसके
परिचित र साइनाबिच विस्वासका पानाहरु
अब कतै बात राख्ने ठाउँ छैन
अब कोही मेरो इमानदारीता भजाउनेवाला छैन
स्वतन्त्र जीवनमा
रितिरिवाजको भारी बोकाउदै
उत्श्रृखल भएर
हरेक वर्ष
त्यो दशै आउँछ !!

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ७ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ३ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ४ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…