Sansar News- Nepal's Fast Khabar Online News Portal

सीताकुण्ड हेर्न जाने पर्यटक बढ्न थाले

संसार न्यूज़
१ महिना पहिले
सीताकुण्ड हेर्न जाने पर्यटक बढ्न थाले

२४ असोज, पाल्पा । पाल्पा रामपुरको ऐतिहासिक, धार्मिक तथा पर्यटकीयस्थल सीताकुण्डमा दर्शन तथा अवलोकन गर्न आन्तरिक पर्यटकको आवागमन बढ्दै जान थालेको छ ।

रामपुर नगरपालिका– ३ र ४ का बीच भागमा रहेको सीताकुण्डमा पछिल्लो समय आन्तरिक पर्यटकको आवागमन बढ्दै गएको सीताकुण्ड मन्दिर व्यवस्थापन समितिका सचिव रुद्रबहादुर नेपालीले बताए ।

“सडक सुधार भएपछि यहाँसम्म आउने आन्तरिक पर्यटक पछिल्लो समय बढ्दै गएका छन्, भगवान् राम र सीतासँग जोडिएको पौराणिक महत्वका कारण पनि विशेषगरी टाढाटाढाका यो क्षेत्रमा अवलोकन गर्नका निम्ति आउने गरेका छन्”, उनले भने ।

श्रीकृृष्णाजन्माष्टमीका दिन श्रद्धालु भक्तजन रामपुर नगरपालिका वडा नं ५ स्थित कालीगण्डकीको रामघाटमा नुहाएर सीताकुण्डमा जल चढाई पुनःरामघाटमा गएर पूजाआजा गर्ने परम्परा छ । यसो गरेमा मनोकाङ्क्षा पूरा हुन्छ भन्ने धार्मिक विश्वास छ ।

त्रेतायुगमा भगवान् रामचन्द्र र उहाँकी धर्मपत्नी सीता वनबास जाने क्रममा रामघाटमा आई बास बसेको पौराणिक कथन छ । सीता रजस्वला भएपछि उनलाई लुकाउन सीताकुण्ड लगिएको थियो । नुहाउने क्रममा पानी नभएपछि भगवान् रामचन्द्रले रामघाटबाट बाण हानेर कुण्ड निर्माण गरी त्यही कुण्डमा सीताले नुहाएको हुनाले यस कुण्डको नाम सीताकुण्ड रहन गएको हो । त्यस समयदेखि नै यहाँ पूजाआजा हुँदै आइरहेको छ ।

सीतालाई नुहाउनका लागि बाण हानेर पानी निकालिएको र खानका लागि धान छरेको बुढापाका बताउँछन् । कुण्डमा पानी कहिल्यै नसुक्ने स्थानीयको भनाइ छ । धार्मिक तथा ऐतिहासिक हिसाबले यसको महत्व रहे पनि प्रचारप्रसार तथा पूर्वाधार विकास नहँुदा ओझेलमा परिरहेको थियो । पछिल्लो वर्ष रामपुर नगरपालिकाले दश पर्यटकीय क्षेत्रका रुपमा समेटेर पूर्वाधार विकासका काम गर्न थालेपछि अहिले यो कुण्ड पर्यटकीय क्षेत्रका रुपमा अगाडि बढेको हो । सीताकुण्डसम्म पुग्ने सडक सुधार, भौतिक पूर्वाधारको विकास हुँदै जाँदा मन्दिरमा भक्तजनको चहलपहल बढ्दो छ ।

कुण्डमा नुहाई भगवान्को दर्शन गर्नाले मोक्ष्यप्राप्ति हुने र मनोकाङ्क्षा पूरा हुन्छ भन्ने धार्मिक विश्वास रहिआएको छ । श्रीकृष्णा जन्माष्टमी पर्व, रामनवमी पर्वका अवसरमा यहाँ वर्षेनी मेला लाग्दै आइरहेको छ ।

यस वर्षको जन्माष्टमीका अवसरमा सात हजारभन्दा बढीले मन्दिर दर्शन तथा अवलोकन गर्न पुगेको सीताकुण्ड मन्दिर व्यवस्थापन समितिका सचिव रुद्रबहादुर नेपालीले बताए । रासस

सर्बाधिक पढिएको

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ ३ महिना पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा ३ महिना पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

शिक्षक लाईसेन्स : आज नेपाली विषयको नमुना वस्तुगत प्रश्नोत्तर

शिक्षक लाईसेन्स : आज नेपाली विषयको नमुना वस्तुगत प्रश्नोत्तर ४ महिना पहिले | संसार न्यूज़

२४ असार, काठमाडौँ । शिक्षकको पेसागत विकासले गुणस्तरीय शिक्षा प्रदान…

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’ ३ महिना पहिले | संसार न्यूज़

३२ साउन, काठमाण्डौं । पत्रकार किशोर श्रेष्ठले पत्रकार शालिकराम पुडासैनीले…