Sansar News- Nepal's Fast Khabar Online News Portal

कविता : म ढुंगा बन्न नसकेको मान्छे !

उत्तम भेटवाल,काठमाण्डौं
९ महिना पहिले

हो, म ढुंगा बन्ने रहरमा
ढुंगा बन्न नसकेको मान्छे
परन्तु : नियतिले मान्छे बनायो
त्यही मान्छे जो,
स्वार्थले सिद्ध छ
लोभमा लालायित छ
मोहमा मोहित छ
रिसले रुझेको छ
ईष्र्याको इबी पाली रहेछ
द्वेषको दुस्मनी गाली रहेछ
हो, त्यही मान्छे हूँ म
जो ढुंगा बन्ने रहरमा
ढुंगा बन्न नसकेको मान्छे !

मान्छेबाटै हेलिनु पर्ने त थिएन
पुजिने थिएँ म मन्दिरमा
देवता कहलाउथें म
आस्थाको प्रतिमुर्ति अनि
बिश्वासको भगवान भै
तिनै मानिसको मन बहलाउथें म !
स्वार्थ हुने थिएन म मा
लोभ हुने थिएन
अरबौं पचाएर असन्तुष्टहरूको भिडमा
फगत दुई रुपियाँको सिक्काले
मेरो मुर्तिमा हिर्काउँदा पनि
सन्तुष्ट भेटिन्थें म
जसरी चुपचाप भेटिन्छन्
हाम्रा मन्दिरका प्रस्थर मुर्तीहरू
अनि असन्तुष्ट भेटिन्छन्
लामबद्ध भक्तजन अनि
प्रभु पुजनमा खटिएका भट्ट
अनि मन्दिरका पुजारेहरू !
हो, म ढुंगा बन्ने रहरमा
ढुंगा बन्न नसकेको मान्छे !

मुर्ती जस्तो मान्छे भएर उभिनु भन्दा
मान्छे जस्तो मुर्ती हुँदो हूँ म
शान्तिका अग्रदूत भगवान बुद्ध
माहात्मा गान्धी, नेपोलियन लगायत
बिश्वका होनहार ब्यक्ति अनि ब्यक्तित्वहरूको
शालिक बन्दो हूँ म
मान्छे भएर मान्छेकै तुच्छ नोकर बन्नु भन्दा
ढुंगा अर्थात शालिक भएर
विचारको धनी मालिक बन्दो हूँ म
परन्तु L नियतिले मान्छे बनायो
हो, म ढुंगा बन्ने रहरमा
ढुंगा बन्न नसकेको मान्छे !

सयौं चोट खाँदा पनि
मान्छे जस्तो बन्न नसकेकाहरूको भिडमा
म शालिग्राम भनाउँदो हूँ आफुलाई
जो नदीको बहाब सँगैं निखार्छ र तिखार्छ
अनि ढुंगाहरूमा अब्बल उभ्याउँछ आफूलाई !
मार्बल बन्दो हूँ र चिप्स बन्दो हूँ
र सजिंदो हूँ महलका आँखाहरूमा
ती महल जस्ले झुपडीलाई कहिल्यै
घर अनि बासको नजरले हेरेनन्
अनि ती महल बासी जस्ले
झुपडीका झुत्रा झाम्रामा लुकेका
निश्चल अनि निस्कलंक मनले
भरिपुर्ण मान्छेहरूलाई कहिल्यै
मान्छे देखेनन् र मान्छे गनेनन् तिन्ले !
त्यसैले त मलाई…
ढुंगा बन्ने रहर जागेको हो
परन्तु : नियतिले मलाई मान्छे बनायो
तिनै भोकाएकाहरूको भान्छे बनायो !
हो, म ढुंगा बन्ने रहरमा
ढुंगा बन्न नसकेको मान्छे
उत्तम विचार–०७६

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ४ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो १ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ४ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ?

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ? १ हप्ता पहिले | संसार न्यूज़

१९ असार, काठमाण्डौं । नेपालमा कोरोना संक्रमणबाट ८२३ जना मुक्त…