Sansar News- Nepal's Fast Khabar Online News Portal

शीतभण्डार निर्माण पछि कृषकमा खुशी छायो

संसार न्यूज़
७ महिना पहिले

२८ असोज, चितवन । चितवनको इच्छाकामनामा शीतभण्डार निर्माण गरिएको छ । साना किसान सहकारी संस्था लिमिटेडले उक्त गाउँपालिका–४ स्थित कुरिनटारमा सो शीतभण्डार निर्माण गरेको हो ।

केन्द्र सरकारको तराई–मधेश समृद्धि कार्यक्रमअन्तर्गत गाउँपालिकाले साना किसान कृषि सहकारी संस्था लिमिटेडलाई छनोट गरेकामा उक्त कार्यक्रमबाट रु ३५ लाख र सहकारीको १० प्रतिशत लगानीमा शीतभण्डार निर्माण गरिएकोे उक्त लिमिटेडका अध्यक्ष नरबहादुर नेपालले जानकारी दिए ।

स्थानीय किसानले उत्पादन गरेका कृषि उपज फलफूल तथा तरकारी समयमै बिक्री नहुँदा सड्ने तथा बिग्रने भएकाले किसानको मागलाई लक्ष गर्दै शीतभण्डार स्थापना गरिएको उनले बताए ।

पहिलो चरणमा नमूना तथा परीक्षणका लागि बनाइएको सानो क्षमताको यो शीतभण्डारमा विद्युत् जडान गर्न मात्र बाँकी रहेको र यसलाई चाँडै सञ्चालन ल्याउने तयारी भइरहेकोे अध्यक्ष नेपालले बताए । यहाँका किसानका लागि आवश्यकताको आधारमा शीतभण्डार निर्माण गर्दै लैजाने उनको भनाइ थियो ।

शीतभण्डार निर्माणपछि कृषक खुशी भएका भएका छन् । कृषि सहकारी संस्था लिमिटेडका अध्यक्ष तथा अगुवा कृषक हरिबहादुर नेपालले शीतभण्डार सञ्चालनमा आएपछि किसानलाई राहत मिल्ने बताए । चितवनको पहाडी भेगमा रहेको इच्छाकामना तरकारी उत्पादनका लागि उर्वरभूमि मानिन्छ । यहाँको तरकारी काठमाडौँ, नारायणगढ तथा पोखरालगायत शहरमा पनि जाने गर्दछ ।

गाउँपालिकाका अध्यक्ष गीताकुमारी गुरुङले कृषि क्षेत्रमा विशेष जोड दिइएकाले शीतभण्डार सञ्चालनका लागि आवश्यक सहयोग गर्ने र किसानलाई अनुदानका कार्यक्रम ल्याइएको जानकारी दिए । गाउँपालिकाको खेर गइरहेको जग्गामा व्यावसायिक कृषि गरेमा रु एक लाखसम्मको अनुदान दिने कार्यक्रम छ ।

गाउँपालिकाले तीन दुहुना भैँसी पालेमा रु एक लाख र सुन्तला, कागतीलगायत फलफूल खेती गरेमा ५०० सम्म बिरुवा अनुदान दिइनेलगायत कार्यक्रम ल्याउनाका साथै किसानलाई हातेट्र्याक्टर पनि वितरण गरिसकेको छ ।

कृषकलाई विभिन्न चरणमा तालीम प्रदान गरिएको र यहाँका तरकारी तथा फलफूलका लागि उर्वरभूमि भएकाले किसानलाई व्यावसायिक कृषितर्फ आकर्षित गर्न विभिन्न योजना ल्याइएको अध्यक्ष गुरुङले बताए ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ १ हप्ता पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ४ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ६ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…