Sansar News- Nepal's Fast Khabar Online News Portal

आगलागीबाट पाँच लाख बराबरको क्षति, आगजनी गर्ने ६ पक्राउ

संसार न्यूज़
७ महिना पहिले
आगलागीबाट पाँच लाख बराबरको क्षति, आगजनी गर्ने ६ पक्राउ

२९ असोज, सप्तरी ।सप्तरीको सप्तकोशी नगरपालिका–१ हलेशी टोलमा गएराति आगलागी हुँदा रु पाँच लाख मूल्य बराबरको क्षति भएको छ ।

डिल्लीबहादुर बस्नेतको काठको दुईतले घरमा अचानक आगलागी हुँदा घरमा रहेको अन्नपात, लत्ताकपडा, भाँडाकुँडा, काठपात र नगद रु १० हजार गरी रु पाँच लाख मूल्य बराबरको क्षति भएको पीडितले बताए ।

आगो निभाउने क्रममा घरधनी बस्नेतको अनुहार, हातखुट्टासमेत जलेको छ । उनको फत्तेपुरस्थित स्थानीय मेडिकलमा उपचार भइरहेको छ । स्थानीयवासी र प्रहरीको सहयोगमा आगो नियन्त्रणमा लिइएको जिल्ला प्रहरी कार्यालय सप्तरीका प्रहरी नायब उपरीक्षक तिलक भारतीले बताए ।

आगजनी गर्ने छ पक्राउ
अटोरिक्सा आगजनी गरी नष्ट गर्ने सप्तरीको कञ्चनरुप नगरपालिका–८ का २६ वर्षीय सोनु मण्डलसहित उनका पाँच साथीलाई सप्तरी प्रहरीले मङ्गलबार पक्राउ गरेको छ ।

कञ्चनरुप नगरपालिका–८ स्थित खत्वेटोल बस्ने बलराम खत्वेको स१ह ३२३४ नंको अटोरिक्सा आगजनी गरेको आरोपमा मण्डलसहित सोही ठाउँका ३२ वर्षीय महनारायण खङ्ग, २३ वर्षीय जयप्रकाश चौधरी, २२ वर्षीय सागर चौधरी, १८ वर्षीय सन्तोष चौधरी र सोही उमेरका रमेश खङ्गलाई पक्राउ गरिएको सप्तरी प्रहरीले जनाएको छ ।

आगजनी गर्नेमा आठ जना संलग्न रहेको जानकारी दिदैँ इलाका प्रहरी कार्यालय कञ्चनरुपका प्रहरी नायब उपरीक्षक मकेन्द्रकुमार मिश्रले दुई जनाको खोजी भइरहेको बताए । आरोपितहरुविरुद्ध आपराधिक उपद्रवको उजुरी दर्ता गरी कारवाही गरिने उनले बताए ।

महानवमीका दिन गाउँमै लागेको दुर्गा भवानी मेलामा अटोरिक्साले सामान्य धक्का लागेको विषयमा आरोपित मण्डल र अटोरिक्सा चालकबीच विवाद भएको थियो ।

सोही झगडाको रिसइबीले दुई दिनपछि घर अगाडि पार्किङ गरी राखेको अटोरिक्सा आरोपितहरुले बाँसको झाङमा लगी आगजनी गरेको अनुसन्धानबाट खुलेको प्रनाउ मिश्रले बताए। रु चार लाख ऋण कर्जा लिई खरीद गरी सञ्चालन गरेको अटोरिक्सा आगजनी भएपछि खत्वेलाई हातमुख जोर्न धौधौ परेको छ । रासस

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ५ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ३ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ३ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…