Sansar News- Nepal's Fast Khabar Online News Portal

पत्रकार विरहीको सफल शल्यक्रिया

संसार न्यूज़
३ महिना पहिले
पत्रकार विरहीको सफल शल्यक्रिया

१ कात्तिक, चितवन । केही समययता क्यान्सर रोगका कारण बिरामी परेका अग्रज पत्रकार रेशम विरहीको भरतपुरस्थित विपी कोइराला मेमोरियल क्यान्सर अस्पतालमा सफल शल्यक्रिया गरिएको छ । अस्पतालका चिकित्सक डा विनय ठाकुरका अनुसार उनको ठूलो आन्द्राका दुई ठाउँमा शद्ययक्रिया गरिएको हो ।

मलद्वार र त्यसको १० सेन्टिमिटर माथि सिगमोइट क्लोनमा शल्यक्रिया गरी त्यहाँको ट्युमर हटाइएको ठाकुरले बताए । मिर्गौलालाई असर पर्न सक्ने र दिसापिसाब पाइपमार्फत गर्नुपर्ने खतरा रहेको भए पनि शल्यक्रियापछि ती दुवै समस्या हल भएको चिकित्सकले जनाएका छन् । ठाकुरका अनुसार अर्को आन्द्रालाई मलद्वारमा जोडेर पूर्ववत् अवस्थामा दिसापिसाब गर्न सक्ने गरी शल्यक्रिया गरिएको हो । बिहीबार शल्यक्रिया गरिएका विरहीले राम्रोसँग बोलचाल गर्न सकेको परिवारले जनाएको छ ।

अस्पतालका कार्यकारी निर्देशक डा विजयचन्द्र आचार्यले अस्पताल र क्यान्सर सेवा समाजबाट आवश्यक सहयोग विरहीलाई पु¥याइएको बताए । शल्यक्रियापछि विरहीको बाँकी केमो दिनुपर्ने हुन्छ । यसअघि पाँच साइकल केमो दिइसकिएको छ । रेडियोथेरापी गर्नुपर्ने हुनसक्ने चिकित्सकले जनाएका छन् । विरहीको उपचारका लागि पत्रकार, साहित्यकार, स्थानीय तह र समाजसेवीले आर्थिक सहयोग गरेका छन् ।

पाँच दशकदेखि पत्रकारिता र साहित्य क्षेत्रमा क्रियाशील विरही चितवन, काठमाडौँ र नेपालगञ्जमा रहेर विभिन्न पत्रपत्रिकामा काम गरिसकेका छन् । उनका नौ वटा कृति प्रकाशित भइसकेका छन् । छैसठ्ठी वर्षीय विरहीले विसं २०२८ मा मातृभूमि पत्रिकाबाट पत्रकारिता शुरु गरेका हुन् । प्रतिध्वनि, हिमाली हुलाक, मुलुकी आवाज, नेपाल समाचारपत्र, अभिनन्दन, समानान्तर दैनिक, भरतपुर मासिक पत्रिकामा सम्पादनको भूमिका गरिसकेका छन् ।

उनी नेपालगञ्जको कालपृष्ठ दैनिकको अतिथि सम्पादक छन् भने यहाँको चितवन पोष्टसहित विभिन्न राष्ट्रिय र स्थानीय पत्रिकामा स्तम्भकारका रुपमा काम गरिसकेका छन् । उनको विसं २०३६ मा पहिलो कृति मुलाको बोक्रा कविता सङ्ग्रह प्रकाशित भएको थियो भने पछिल्लो कृति प्रेमदासको डायरी विसं २०७४ मा प्रकाशित भएको थियो ।

सर्बाधिक पढिएको

गरीबलाई धनी बनाउने माध्यमका रुपमा सहकारी विकास गर्दै – मन्त्री अर्याल

गरीबलाई धनी बनाउने माध्यमका रुपमा सहकारी विकास गर्दै – मन्त्री अर्याल २ महिना पहिले | संसार न्यूज़

१० मङ्सिर, स्याङ्जा । भूमि, व्यवस्था सहकारी तथा गरीबी निवारणमन्त्री…

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ ५ महिना पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा ५ महिना पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

National automotive engineering conference on May 10 and 11

National automotive engineering conference on May 10 and 11 ८ महिना पहिले | संसार न्यूज़

6 May, Banepa - The Kathmandu University and the Institute…

International airport to remain closed for half an hour

International airport to remain closed for half an hour ३ वर्ष पहिले | संसार न्यूज़

23 june, Kathmandu- The Tribhuvan international Airport (TIA) would remain…