Sansar News- Nepal's Fast Khabar Online News Portal

मुख्य पदहरुमा कुन क्षेत्रबाट कति निर्वाचित भए ?

संसार न्यूज़
७ महिना पहिले
मुख्य पदहरुमा कुन क्षेत्रबाट कति निर्वाचित भए ?

१ कार्तिक, काठमाडौँ । गैरआवासीय नेपाली संघले दुई वर्षका लागि नयाँ कार्यसमिति पाएको छ । विदेशमा रहेका सम्पूर्ण नेपालीलाई समेट्ने उद्देश्यले स्थापना गरिएको एनआरएनएले नवौँ सम्मेलनबाट कुमार पन्तको नेतृत्वमा नयाँ कार्यसमिति पाएको हो ।

भूगोलका आधारमा क्षेत्रीय समितिहरु रहेका छन्, त्यसमा तत् क्षेत्रबाटै नेतृत्व चयन हुन्छ । तैपनि मुख्य पदहरु कुन कुन देशले पायो त भनेर हेर्दा अहिलेम्म धेरै नेतृत्व पाउने युरोप नै भएको छ । यूरोपबाट सुरुभएको अभियानले धेरै नेतृत्व गर्ने मौका पनि पाएको हो । त्यस्तै दुईपटक ओसियाना क्षेत्रमा अष्ट्रेलियाले र २ पटक एशिया क्षेत्रमा जापानले पाएको छ ।

नवौँ कार्यसमितिको नेतृत्व फेरि युरोपले पाएको छ । त्यसो त एनआरएनएको सबैभन्दा बढी सदस्य रहेको पनि युरोप नै हो, त्यसैले पनि एनआरएनएमा युरोपको प्रभाव बढी नै देखिन्छ ।

अहिलेको नयाँ कार्यसमितिमा अध्यक्ष सहित मुख्य पदमा युरोपले ६ पद प्राप्त गरेको युरोपले अध्यक्ष, २ उपाध्यक्ष, महासचिव, सहकोषाध्यक्ष र युवा संयोजकमा क्रमशः कुमार पन्त(जर्मनी), अर्जुनकुमार श्रेष्ठ(बेल्जियम), डा बद्री केसी(रुस), डा हेमराज शर्मा,(बेलायत) लोकप्रसाद दाहाल(बेल्जियम) र हिमाल गुरुङ(नेदरल्याण्ड) रहेका छन् । देशका रुपमा हेर्दा बेल्जियमले दुई पद पाएको छ ।

त्यस्तै मुख्य पदमा ओसियाना क्षेत्र (अष्ट्रेलिया) ले २ सिट पाएको छ । जसमा उपाध्यक्षमा मन केसी र महिला संयोजकमा भोमा लिम्बू रहेका छन् । अमेरिकाले पाएको ३ सिटमा उपाध्यक्ष सोनाम लामा, रविना थापा, महिला उपाध्यक्ष र सचिव गौरीराज जोशी रहेका छन् । जापानबाट कोषाध्यक्षमा महेश श्रेष्ठ विजयी बनेका छन् भने सचिवमा मध्यपूर्वमा कतारबाट आरके शर्मा रहेका छन् ।

बैभन्दा बढी नेपाली रहेको मध्यपूर्वले अहिलेसम्म सचिवभन्दा माथिल्लो पद प्राप्त गर्न सकेको छैन । ओमानबाट डिबी क्षेत्रीले महासचिवका लागि उम्मेदवारी घोषणा गरेर पनि अन्तमा सहमतिका लागि भन्दै डा हमेराज शर्माको समर्थन गरेका थिए ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ७ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ४ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ५ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…