Sansar News- Nepal's Fast Khabar Online News Portal

अमेरिकामा बस्दै आएका भारत्तोलक कार्कीलाई आयरल्याण्डमा स्वर्ण

संसार न्यूज़
७ महिना पहिले
अमेरिकामा बस्दै आएका भारत्तोलक कार्कीलाई आयरल्याण्डमा स्वर्ण

विजय थापा, १४ कात्तिक, डिसी । अमेरिकामा बस्दै आएका नेपाली मूलका भारत्तोलक रुप कार्कीले मास्टर टु ( Master 2) २२० पाउण्ड तौल समूहमा आयरल्याण्डमा सम्पन्न वल्र्ड पावरलिफ्टिंग आईपिएल प्रतियोगितामा स्वर्ण पदक प्राप्त गरेका छन् ।

कार्कीले एटलान्टामा सन् २०१७ मा सम्पन्न वल्र्ड पावरलिफ्टिंग आइपिएल प्रतियोगितामा मास्टर वान ( Master 1) प्राप्त गरि सकेका थिए ।

गत अक्टोबर २४ देखि अक्टोबर २७ सम्म सम्पन्न भएको वल्र्ड पावरलिफ्टिंग आईपिएल अन्तरराष्ट्रिय प्रतियोगितामा उनलाई स्वर्ण प्राप्त भएको हो । अक्टोबर २७ आइतबारका दिन आयरल्याण्डमा भएको प्रतियोगितामा उनले प्रथम स्थान हासिल गर्दै नेपाल र नेपालीको नाम बिश्व सामू चिनाउन सफल भएका छन् ।

उनी गत अक्टोबर २५ शुक्रबारका दिन अमेरिकाबाट आएरल्याण्ड उडेका थिए । गत अक्टोबर २४ देखि नै सुरु भएको वल्र्ड पावरलिफ्टिंग आईपिएल प्रतियोगितामा बिभिन्न राष्ट्रका बिभिन्न तौल समूहका खेलाडीहरु पुगेका थिए ।

गत अक्टोबर २४ का दिन आयरल्याण्ड उड्नु एक दिन अगाडि खेलाडी कार्कीको मनोवल उच्च राख्न, हिम्मत र हौशला दिन भर्जिनियाका नेपाली समुदायले कार्यक्रमको आयोजना गर्दै उनलाई भब्य बिदाई गरेका थिए ।

उनले आयरल्याण्ड जानु अघि नेपाल र नेपालीको नाम राख्न कडा मेहनत गर्ने र कुनै कसर नछोड्ने प्रतिबद्धता जाहेर गरेका थिए । गत जुलाई १३ ,२०१९ का दिन उनलाई युएसपिएलमा स्वर्ण पदक प्राप्त भएको थियो ।

युएसपिएलमा स्वर्ण पदक प्राप्तसंगै आयरल्याण्डमा सम्पन्न वल्र्ड पावरलिफ्टिंग आईपिएल प्रतियोगितामा सहभागी हुन् ढोका खुलेको थियो । उनी उक्त प्रतियोगितामा स्वर्ण पदक प्राप्त गरे पछि पूर्व योग्यता (प्रिक्वालिफाईड) भएका थिए । स्मरण रहोस्, पूर्व योग्यता प्राप्त भएपछि मात्र आईपीएललको प्रतिस्प्रर्धामा प्रतियोगीको रुपमा जान पाइन्छ ।

कार्की ड्रग टेस्टेड (कृतिम रुपमा शारीरिक बल वृद्धि गर्न ओखति प्रयोग नगर्ने बिधि) का खेलाडी हुन् । अमेरिकामा नेपालीहरुको ईतिहासमा कार्की भारत्तोलनमा प्रवेश गरि अन्तरराष्ट्रिय सम्म पुग्ने पहिलो नेपाली मूलका भारत्तोलक हुन् ।

नेपालको भैरहवा स्थायी घर भएका रुप कार्की अमेरिका आए देखि नै भारत्तोलनको नियमित प्रशिक्षणमा व्यस्त छन् । अमेरिकाको अति व्यस्त दैनिकीबाट समय निकालेर उनी विभिन्न प्रतियोगिताहरुमा सहभागी हुने गरेका छन् । उनले थुप्रै पदक प्राप्त गरि सकेका छन् भने उनी अन्तर्राष्ट्रिय ख्याती प्राप्त भारत्तोलक हुन् ।

यसैगरी उनका सुपुत्र रुपेश कार्की पनि भारत्तोलक हुन् । आफ्नो वर्गमा स्वर्ण पदक बिजेता समेत रहेका रुपेश बाबुको बिडो थाम्दै बाबुलाई यहाँसम्म पुर्याउन अहम भूमिका निर्वाह गर्दै सहयोग र हौसला दिदै आई रहेका छन् ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ६ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ३ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ४ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…