Sansar News- Nepal's Fast Khabar Online News Portal

कविता : आर्यघाट र मानिस

सुधीर ख्वबि, ललितपुर
७ महिना पहिले
कविता : आर्यघाट र मानिस

एउटा तारा झरेर
खरानी भै बिलाए जसरी
एउटा साँझ पहाडको टुप्पोबाट
फेदमा खसे जसरी
मनको आँखाबाट
जिन्दगीको खुशी बगे जसरी
समय आगो भएर
दागबत्ती दिन तयार छ ।

यति बेला
सुसाइरहेको छ खोला
रोइरहेको छ बतास
मौन पर्खिरहेको छ चिता
निर्जिव देहको प्रतीक्षामा
र पीडाको सारङी रेटिरहेका छन्
आफन्ती आँसुहरू
क्रन्दन पोखिरहेका छन्
आत्मिय अनुभूतिहरू
केलाउँदै श्वास प्रस्वासहरू
लेख्दै जीवनका अन्तहरू
छुटाउँदै जीन्दगीका पलहरू
अन्तिम सत्य आत्मसात् गराउन
भोग्न दिन अन्तिम सत्य
गुन्जाएर शंखनाद क्रमश
सम्मोहित गरिरहन्छ आर्यघाट ।

हृदय आँसुले पखाले पनि
व्यथा पीडाले कोरे पनि
नयन सागर बने पनि
पुकारले अम्बर फाटे पनि
खुल्दैन बन्द त्यो परेली
गुनगुनाउँदैन त्यो अधर
डेग चल्दैन पाइलाहरु
आर्यघाटको निम्ता पाएको
त्यो मान्छेको

आखिरमा हार्छ आँसु
हार्छ हृदय
निको हुन्छ पीडा
नयन मुस्कुराउन थाल्छ
अम्बर इन्द्रेणीले सजिन थाल्छ
हृदय सुवाषित हुन थाल्दछ
जिन्दगी फेरि नाच्न थाल्दछ
फेरि एक पटक बिर्सिन्छ
आर्यघाट
र फेरि शुरु गर्दछ, मानिस
रिस, राग, मोह, द्वेष र क्लेषको जिन्दगी ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ६ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ३ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ४ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…