Sansar News- Nepal's Fast Khabar Online News Portal

हरेक साल

बलराम तिमिल्सिना
४ महिना पहिले
हरेक साल

हरेक साल
भोकाहरूका खाली थालमा
सरकार ऋण पस्कन्छ
र आफू
सुनका थालमा सुनकै चम्चाले
अगस्ति भोजन गर्छ !

हरेक साल
झाडा पखाला लागेका बच्चाहरू
सरकारको दिर्घायुको कामना गर्दै
अल्पायुमै निदाउँछन्
र सरकार
बच्चाहरूको ओखती तस्करी गरेर
खोकी निको पार्न विदेश उड्छ !

हरेक साल
सित लहरले थला पर्छ मधेश
सित लहरसँगै विदा हुन्छन्
निमोनियाँ सल्केका बुढाबुढीहरू
र सरकार
ढिकुटीबाट खुसुक्क निकालेर
न्यानो कपडा किन्ने पैसा
अर्को चुनावको लागि जम्मा गर्छ ।

हरेक साल
पढ्दा पढ्दैका नानीहरू
पढाई छोड्छन् र गोठाला बन्छन्
पढाई छोड्छन् र खलासी बन्छन्
होटेलमा भाँडा माझ्ने बन्छन्
इट्टा भट्टामा माटो मुछ्ने बन्छन्
कान्छा बन्छन् , कान्छी बन्छन्
र सरकार
तिनीहरू समेतको अंश लाग्ने पैसा
खुसुक्क निकाल्छ
र आफ्ना छोराछोरी पढाउँछ !

यसरी हरेक साल
सवै मिलेर दुख गरिन्छ
सवै भएर राष्ट्रिय ढुकुटी भरिन्छ
त्यसपछि
कुनै खुङ्खार डनले जस्तै
औंलामा नचाउँदै ढुकुटीको चावी
सरकार हिसाव गोलमाल गर्छ
धन जति सरकारको भागमा
ऋण जति जनताको भागमा पार्छ !

२०७६|०७|१६
भक्तपुर

सर्बाधिक पढिएको

अख्तियारको भनाई गलत –संविधानविद् आचार्य

अख्तियारको भनाई गलत –संविधानविद् आचार्य ३ हप्ता पहिले | संसार न्यूज़

संविधानविद्  डा.  भिमार्जुन आचार्यले अख्तियार दुरुपयोग अनुसन्धान आयोगले ललित निवास…

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ?

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ? ७ दिन पहिले | संसार न्यूज़

५ फागुन, काठमाण्डौ । नेपाली सेनाको व्यवस्थापन तथा नेपाली सेना…

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ?

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ? २ हप्ता पहिले | संसार न्यूज़

२४ माघ, काठमाण्डौं । नेपाल कम्युनिष्ट पार्टी (नेकपा) ले आफ्नो…

बहालवाला तथा भु.पु सैनिकका लागि स्वास्थ्य सेवा सम्बन्धी सूचना

बहालवाला तथा भु.पु सैनिकका लागि स्वास्थ्य सेवा सम्बन्धी सूचना ३ हप्ता पहिले | संसार न्यूज़

२० माघ, काठमाडौं । नेपाली सेनाले बहालवाला तथा भुपु सैनिक…