Sansar News- Nepal's Fast Khabar Online News Portal

बच्चालाई स्कूल पठाउन हतार गर्ने अभिभावकहरूले बुझ्नै पर्ने कुरा

संसार न्यूज़
२ हप्ता पहिले
बच्चालाई स्कूल पठाउन हतार गर्ने अभिभावकहरूले बुझ्नै पर्ने कुरा

अभिभावकहरु आफ्नो बच्चाहरुलाई जति सक्यो छिटो स्कुल पठाउन आतुर हुन्छन् । छिटो स्कुल पठाउन पाए केही नयाँ कुरा सिक्छन भन्ने सोच एकातिर पाइन्छ भने अर्को तर्फ बच्चालाई घरमा हेरचाह गर्ने समय हुँदैन त्यसैले पनि छिटो बालबच्चाहरुलाई स्कुल पठाउन हतार गर्दछौँ तर बच्चाहरुलाई सानै उमेरमा स्कुल पठाउन नहुने सुझाव दिन्छन् शिक्षाविद मनप्रसाद वाग्ले । बच्चाहरुलाई छिटो स्कुल पठाउनु भनेको बाल विकासमा हेलचक्र्याईं गर्नु भएको उनको तर्क छ । सानो उमेरमा बच्चालाई स्कुल पठाउनु बाल विकासको सिद्धान्त विपरित हुने उनको भनाई छ । साना बच्चालाई स्कूल पठाउन हतार किन गर्न हुँदैन भन्ने तथ्यसहित उनले लेखेका छन् ।
उनले फेसबुकमा लेखेका छन् :
बाल विकासमा हेलचक्र्याईं नगरौं, बेलैमा सोचौं, पछि पछुताउनु नपरोस् १११ बाल विकासका सिद्धान्त त्यसै प्रतिपादन भएको हैन, त्यो बुझ्नु आवश्यक छ । साना बच्चालाई स्कूल पठाउनै हतार गर्ने अभिभावकहरूले बुझ्नै पर्ने कुरा :

१) यदि तपाईं सँग प्रशस्त समय छ भने ६ वर्ष नपुगी केटाकेटीलाई स्कूल नपठाऔं ।
२) पूर्व प्राथमिक तहका बालबालिकाको लागि पाठ्यपुस्तक भनी झोलाको भारी बोकाउनु अपराध हो ।
३) त्यसमाथि औंलाको राम्रो विकास नभएका ५ वर्ष सम्मका बालबालिकालाई जवर्जस्ती कलम समातेर लेख्न लगाउनु उनीहरुको शारीरिक विकासको बाधक मानिन्छ ।
४) १८ महिनामा नै स्कूल पठाएर बालबालिका माथि तपाईं अन्याय गर्दै हुनुहुन्छ ।
५) २ वर्षसम्म त बच्चालाई आमाको दुध खुवाउनुहोस्, प्रशस्त खेल्ने मौका दिनुहोस्, उनीहरुको स्वायत्तता नखोस्नुहोस्, यदि यस्तो गरिएन भने उनीहरुको सम्पूर्ण विकासमा यसले नकारात्मक असर पुग्नेछ ।
६) ३ वर्ष देखि ५ वर्ष सम्म पूर्व प्राथमिक उमेर मान्ने गरिन्छ किनकि ६ वर्षमा बच्चाको कक्षा १ शुरु हुनुपर्दछर फिनल्याण्डमा त ७ वर्षको उमेरमा मात्रै केटाकेटी स्कूल जाने हो ?
७) ३ वर्ष देखि ५ वर्ष सम्म तपाईं आफ्ना केटाकेटीलाई घरमै राम्रो सामाजिक विकास, भाषिक विकास, सम्बेगात्मक विकास, शारीरिक विकास र बौद्धिक विकास गर्न सक्नुहुन्छ ।
८) रहर वा फेसनमा हतार गरेर बालबालिका लाई स्कूल भर्ना गर्नु भनेको उनीहरुका यी बिकासमा अवरोध सिर्जना गर्नु हो ।
९) समयाभाव, बाबुआमा दुवै काममा जानुपर्ने र बाध्यताले स्कूल पठाउँदै हुनुहुन्छ भने यी कुरा मनन गर्नुहोस् :
क) कस्तो स्कूल हो बुझ्नुहोस् ।
ख) ए बी सी डी, क ख ग घ वा १,२,३,४ पढाउने, अंग्रेजीमा घोकाउने, बन्द कक्षाकोठामा दिनभर राख्ने र ठूलालाई जस्तै पढाउने, गाली गर्ने, तर्साउने, धेरै पूर्व प्राथमिक विद्यालय तपाईंकै वरिपरी छन् त्यस्ता स्कूल बहिष्कार गर्नुहोस् ।
ग)६० प्रतिशत खेल्ने, २० प्रतिशत उमेर अनुसार रोल मोडेल गर्ने, समूहमा आफ्नो भूमिका निभाउने, र बाँकी २० प्रतिशत कक्षा १ को तयारीको लागि छुट्टाउने विद्यालय कति होलान्रु छन् तर थोरै छन्रु र ती अलि महँगा पनि हुन सक्छनर बालबालिकाको साँच्चै विकास गर्ने हो भने त्यस्ता विद्यालय पत्ता लगाउनुहोस्, अनि मात्रै ३ देखि ५ वर्षका बच्चा पठाउनुहोस् ।
घ) पौष्टिक आहारको प्रवन्ध, सुरक्षाको प्रत्याभूति, विशेष क्षमता अनुसारको व्यवहार नभए त्यस्ता विद्यालय बालबालिकाको लागि उपयुक्त हुँदैनन् ।
ङ) बालबालिकालाई यो उमेरमा गृहकार्य भनेर जोत्नु अर्को अपराध हो चाहे त्यो विद्यालय शिक्षकले गरोस् वा अभिभावक ।
१०) बाल विकासको सिद्धान्त अनुसार तपाईंका बच्चाले pre-schoolबाट के के विकास गर्नुपर्ने हो ?भन्ने कुरा अर्को स्टेटसमा लेख्नेछु।

सर्बाधिक पढिएको

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ ३ महिना पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा ३ महिना पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

शिक्षक लाईसेन्स : आज नेपाली विषयको नमुना वस्तुगत प्रश्नोत्तर

शिक्षक लाईसेन्स : आज नेपाली विषयको नमुना वस्तुगत प्रश्नोत्तर ४ महिना पहिले | संसार न्यूज़

२४ असार, काठमाडौँ । शिक्षकको पेसागत विकासले गुणस्तरीय शिक्षा प्रदान…

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’ ३ महिना पहिले | संसार न्यूज़

३२ साउन, काठमाण्डौं । पत्रकार किशोर श्रेष्ठले पत्रकार शालिकराम पुडासैनीले…