Sansar News- Nepal's Fast Khabar Online News Portal

तपाई लामो समयसम्म कम्प्युटरमा काम गर्नुहुन्छ ? त्यसो भए यसो गर्नुस्

संसार न्यूज़
११ महिना पहिले
तपाई लामो समयसम्म कम्प्युटरमा काम गर्नुहुन्छ ? त्यसो भए यसो गर्नुस्

२४ कार्तिक , काठमाडौँ । लामो समयसम्म कम्प्युटर, मोबाइल, डिजिटल स्क्रिनलगायत प्रविधिहरुको प्रयोग गर्दा आँखामा आउने समस्या नै कम्प्यृटर भिजन सिन्ड्रोम हो । कम्प्युटर , मोबाइलको उच्च प्रयोगका कारण अधिकांशमा यस्तो समस्या देखिने गरेको छ । नियमित स्क्रिनको काम गर्दा सुरुमा सामान्य समस्या देखिए पनि पछि गएर दृष्टिमा जटिल खालका समस्या निम्तिन सक्छ ।
यसका लक्षणहरु

-आँखा र टाउको दुख्ने गर्छ । बिस्तारै दृष्टिमा धमिलोपना आउन सक्छ ।

-आँखा पोल्ने र सुख्खा हुने । बटारिने हुन्छ । आँखा चिलाउने गर्छ ।

-लामो समयपछि घाँटी वा कुम दुख्ने समस्या हुन्छ । त्यस्तै , गर्दन र वरपरको मासंपेशीमा समस्या देखिन थाल्छ ।
धेरैबेर कम्प्युटरमा काम गरिसकेपछि आँखाबाट आँशु आउने हुन्छ ।

-कामको समयमा थकान महसुु हुन थाल्छ । पछि गएर कामप्रति झर्काे लाग्ने र तनाव बढ्ने समस्या देखिन्छ ।

के कारणले हुने गर्छ

-कम्प्युटर वा मोबाइल चलाउने कोठामा प्रकाश नमिल्नु , कम्प्युटर भिजन सिन्ड्रोमको मुख्य कारण हो । बाहिरी स्रोतबाट आउने प्रकााश सीधै स्क्रिनमा परेमा उक्त प्रबाश परिपर्तन भई आँखामा पर्ने हुन्छ । त्यस्तै, कम्प्युटर स्क्रिनमा कुनै वस्तु टल्किएमा वा चम्किएमा दृष्टिमा असर पर्छ ।

-कम्प्युटर र आँखाको दूरी नमिलेमा पनि भिजन सिन्ड्रोम हुन्छ भने बसाइ व्यवस्थापन नहुनुले पनि दृष्टिमा असर गरिरहेको हुन्छ ।

-स्क्रिनमा लामोसमयसम्म पढिरहनु र डिस्प्ले, रिजुलोसन, अक्षर, फन्टको आकार , कलरको कन्ट्रास्ट अस्वाभाविक रुपले चर्काे तथा मधुरो हुँदा पनि समस्या देख्निछ ।

समाधानका उपायहरु
-कम्प्युटरको स्क्रिन आँखाको लेभलभन्दा १५ देखि २५ डिग्री तल र कम्तीमा २५ इन्च पर हुनुपर्छ । कम्प्युटरको माथिल्लो भाग तल्लो भागभन्दा ३० डिग्री झुकेको हुनुपर्छ ।

-प्रकाशको व्यवस्थापन गर्नुपर्छ । अन्य स्रोतबाट आउने प्रकाश सीधै स्क्रिनमा पर्न दिनुहुँदैन । बाहिरको प्रकाश भित्र आउन नदिन झ्यामा पर्दा लगाउनुपर्छ ।

-सकभर कम्प्युटरमा काम गर्दा एन्टिग्लेयर चस्माको प्रयोग गर्नुपर्छ

-काम गर्दा नियमित आराम लिनुपर्छ । लगातार काम गर्नुपर्दा प्रत्येक २० मिनेटको अन्तरमा २० सेकेन्ड आराम लिई २० फिट टाढाको वस्तु हर्ने गर्नुपर्छ ।

-लामोसमयसम्म स्क्रिनमा एकोहोरो हेरिरहँदा आँखा झिम्कने दरमा एकाएक कमी आउँछ जसले गर्दा सुक्खापन आउने हुन्छ । त्यसैले कम्प्युटरबाट ध्यान हटाई आँखा वेला वेलामा झिम्क्याउनुपर्छ ।

-नियमित आँखा जाँच, सही हेराइको बानी, चस्माको प्रयोग र विशेषज्ञसँगको परीक्षण र परामर्शबाट कम्प्युटर भिजन सिन्ड्रोम कम वा निवारण गर्न सकिन्छ । आइतबारको नयाँ पत्रिकाबाट

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो २ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ४ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…