Sansar News- Nepal's Fast Khabar Online News Portal

क-कसले पाए त अनेसास सर्वोत्कृष्ट पुरस्कार ?

संसार न्यूज़
८ महिना पहिले
क-कसले पाए त अनेसास सर्वोत्कृष्ट पुरस्कार ?

२५ कात्तिक, काठमाण्डौं । अन्तराष्ट्रिय नेपाली साहित्य समाज (अनेसास) को सर्वोत्कृष्ट पुरस्कार वितरण कार्यक्रम सम्पन्न भएको छ ।
आइतबार डिसीमा आयोजित महाकवि लक्ष्मीप्रसाद देवकोटाको १११ औँ जन्म जयन्ती तथा अनेसास सर्वोत्कृष्ट पुस्तक एवं विशिष्ट प्रतिभा पुरस्कार कार्यक्रमको आयोजना गरिएको हो ।

कार्यक्रममा अनेसासको राम लामा अविनाशी विशिष्ट प्रतिभा पुरस्कार प्राध्यापक डाक्टर खगेन्द्र लुईंटेललाई प्रदान गरिएको छ । हरेक दुई वर्षमा प्रदान गरिने रु दुई लाख ५० हजार राशिको उक्त पुरस्कार साहित्यको क्षेत्रमा प्रवासमा प्रदान गरिने सबैभन्दा ठूलो राशिको पुरस्कार हो ।


कार्यक्रममा दुई हजार अमेरिकी डलर राशिको अनेसास सर्वोत्कृष्ट पुरस्कार ‘रोबोटका आँखा’ नामक पुस्तकका स्रष्टा नरेन्द्रराज पौडेललाई र दिल लीला सर्वोत्कृष्ट डायस्पोरा पुरस्कार ‘छाप्रो नं ५५’ का सर्जक रमेश दियालीले प्राप्त गरेका छन् । साथै अनेसास रोहिणी शर्मा सीता शर्मा काव्य पुरस्कार कवयित्री कुन्ता शर्माको कृति ‘मेरो मान्छे’ कविता सङ्ग्रहलाई प्रदान गरिएको छ । उक्त पुरस्कारको राशि एक हजार अमेरिकी डलर रहेको छ ।

यसैगरी अनेसास पदम विश्वकर्मा पुरस्कार कथाकार युवराज मैनालीलाई र अनेसास स्व डिल्लीराम तिम्सिना पुरस्कार उपन्यासकार तीर्थ गुरुङलाई प्रदान गरिएको छ । उक्त पुरस्रकाको राशि पनि एक हजार अमेरिकी डलर रहेको छ । अनेसास डा श्याम कार्की इन्दिरा कार्की सर्वोत्कृष्ट पुरस्कार नियात्राकार घनश्याम राजकर्णीकारलाई प्रदान गरिएको छ । यो पुरस्कारको राशी पाँच सय अमेरिकी डलर रहेको छ । यसैगरी पाँच सय अमेरिकी डलर राशिको गजल पुरस्कार आँगन गजल सङ्ग्रहका लागि नमिता बराललाई र मस्टो संस्कृति पुरस्कार संस्कृतिविद तेजबहादुर कार्कीलाई प्रदान गरिएको छ ।

उक्त अवसरमा अमेरिकाका लागि नेपालका राजदूत डा अर्जुनकुमार कार्कीले प्रवासी भूमिमा बसेर नेपाली भाषा, कला, संस्कृतिको जगेर्ना गर्न अन्तर्रा्ष्ट्रिय नेपाली साहित्य समाज (अनेसास)ले महत्वपूर्ण भूमिका निर्वाह गरेको बताएका छन् ।
राजदूत कार्कीले नेपाली साहित्यका मूर्धन्य साहित्यकारहरुलाई आमन्त्रण गरेर प्रवासमा पनि उहाँहरुको सिर्जना सुन्ने र सिक्ने मौका पाउनु प्रशंसनीय भएको बताएका थिए ।

कार्यक्रममा पुरस्कृत व्यक्तित्व डा लुईंटेल, अनेसासका संस्थापक अध्यक्ष होमनाथ सुवेदी, समालोचक हरि अधिकारी, अनेसासका पूर्वअध्यक्ष पदम विश्वकर्मा, पुरस्कार स्थापना गरेका राम लामा लगायतले नेपाली भाषा र साहित्यको बारेमा चर्चा गरेका थिए ।

यसैबीच कार्यक्रममा राम लामा अविनाशीको कृति ‘पिल्सिएको परदेशी मन’ लोकार्पण गरिएको थियो । उक्त पुस्तकमा प्रवासी भूमिमा विभिन्न कारणले झेल्नु परेको समस्या तथा पिल्सिएको भाव समेटिएको २६ वटा कविता सङ्ग्रहित गरिएको छ ।

कार्यक्रममा पुरस्कृत श्रष्टा रमेश दियाली, नरेन्द्रराज पौडेल, कुन्ता शर्माले मन्तव्य राख्नुभएको थियो । यसैगरी कार्यक्रममा गोवद्र्धन पूजा, हरि अधिकारी, कुन्ता शर्मा, सीता पाण्डे, शिव लामिछाने, कृष्ण सादगीलगायत दुई दर्जन कवि तथा कवयित्रीले आफ्नो रचना पाठ गरेका थिए ।

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ४ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो २ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ४ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

१ महिनामा पूनर्बीमाको सम्पत्ती ५ गुणाले बढ्यो

१ महिनामा पूनर्बीमाको सम्पत्ती ५ गुणाले बढ्यो २ दिन पहिले | संसार न्यूज़

२८ असार, काठमाडौं । नेप्सेमा सूचीकरण भएको १ महिनामा नेपाल…