Sansar News- Nepal's Fast Khabar Online News Portal

निर्वाचन सकिएको एकमहिनापछि यस्तो खुलासा गरे कुल आचार्यले

संसार न्यूज़
८ महिना पहिले
निर्वाचन सकिएको एकमहिनापछि यस्तो खुलासा गरे कुल आचार्यले

२६ कात्तिक, काठमाण्डौं । गैरआवासीय नेपाली संघ (एनआरएनए) को हालै सम्पन्न निर्वाचनमा अध्यक्षमा निकटतम् प्रतिद्धन्द्धी भएर पराजित भएका उम्मेदवार कुल आचार्यले निर्वाचन सम्पन्न भएको एक महिना वित्नै लाग्दा निर्वाचन परिणामप्रति नै असहमति जनाएको संकेत दिएका छन् ।

उनले सामाजिक संजाल फेसबुकमा मंगलबार आफ्ना भनाई राख्दै निर्वाचनका बेला कस्तो वातावरण बनाइयो र कसरी नतिजा घोषणा गरियो भन्ने कुरा विस्तारै खुल्दै जाने समेत बताएका छन् ।

उनले भनेका छन्, ‘चुनावमा संसारभरिबाट आउनुभएका एनआरएन साथीहरुको मन र मत जित्न सफल भएकोमा म ढुक्क छु । कस्तो वातावरणमा चुनाव गराइयो र कसरी नतिजा घोषणा गरियो भन्ने कुरा विस्तारै खुल्दै जाला, अहिले त्यो भन्दा बढी न भनौं ।’
संघको नयाँ कार्यसमितिले आफ्ना योजना अगाडि सारिरहेको तथा जित्ने साथीहरुले विजयी उत्सब मनाइरहेको अवस्थामा संघमा हालै आफ्नो सक्रिय कार्यकारी भूमिका केही पनि नभएको र ६ महिनादेखि थाति रहेको काम र परिवारका लागि समय दिइरहेको आचार्यले उल्लेख गरेका छन् ।

‘संघमा अहिले मेरो कुनै सक्रिय कार्यकारी भूमिका छैन् । नयाँ कार्यसमितिले आफ्ना योजनाहरु अगाडी सारिरहेको छ । जित्ने साथीहरुका उत्सव सकिएका छैनन् । मैले संयम र धैर्य कायम गर्नु मेरो कर्तब्य ठानेको छु । एकाध पारिवारिक जमघट बाहेक अन्य कार्यक्रमहरुमा गएको छैन । मेरा बिगत ६ महिनादेखि थाती रहेका परिवार तथा व्यवसायजन्य कामहरुलाई समय दिइ रहेको छु ।’ आचार्यले भनेका छन् ।

गैरआवासीय नेपाली संघको चुनाव सम्पन्न भएसंगै भोलिपल्ट नै काठमाडौँमै धन्यवाद ज्ञापन कार्यक्रम आयोजना समेत गरेका आचार्यले चुनावमा संसारभरिबाट आएका एनआरएन साथीहरुको मन र मत जित्न सफल भएकोमा आफू ढुक्क भएको समेत बताएका छन् ।

‘केही साथीहरु, जो चुनावमा भावनात्मक रुपमा नै लाग्नु भएको थियो, वहाँहरुले विगत झैँ सक्रिय बनोस्, सबैको नेतृत्व गरोस् भन्ने चाहना राख्नु भएको छ । हामीसँग बसेर मन्थन गर्दियोस्, हाम्रा पीडा बुझीदियोस् भन्ने मनसाय राख्नु भएको छ, यो माया र चाहप्रति म नतमस्तक छु’ आचार्यले भनेका छन्, ‘म कहिँ हराएको छैन । गैर आवासीय नेपालीहरुका मुद्दालाई सशक्त रुपमा गति दिन सधैं मेरो साथ र समर्थन रहने छ ।’

सामाजिक कामहरुमा आफ्नो सक्रियता कम नहुने बरु अरु बढ्ने बताएका उनले भनेका छन्, ‘सबै एनआरएनहरु अटाउने संगठन बनाउने मेरो अभियानमा साथ, सहयोग र समर्थन गर्ने सबै मित्रहरु प्रति फेरी एकपटक हार्दिक धन्यवाद तथा कृतज्ञता ज्ञापन गर्न चाहन्छु । आगामी दिनहरुमा पनि तपाई सबैको स्नेह र सद्भाव प्राप्त भै रहने विश्वास लिएको छु ।’

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ४ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो २ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ४ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

१ महिनामा पूनर्बीमाको सम्पत्ती ५ गुणाले बढ्यो

१ महिनामा पूनर्बीमाको सम्पत्ती ५ गुणाले बढ्यो २ दिन पहिले | संसार न्यूज़

२८ असार, काठमाडौं । नेप्सेमा सूचीकरण भएको १ महिनामा नेपाल…