२७ कार्तिक, काठमाडौँ । क्लिन फिड लागू हुनेगरी कार्यान्वयनमा आएको विज्ञापन (नियमन गर्ने)ऐनका कारण नेपालको विज्ञापन बजार १० अर्बबाट २० अबैमाथि पुग्ने भएको छ ।
सो ऐन राजपत्रमा प्रकाशित भई कार्यान्वयनमा आएपछि विज्ञापन एजेन्सीहरु खुसी भएका छन् भने नेपालको विज्ञापन बजारमा नयाँ तरंग छाएको छ । नेपाल विज्ञापन संघका वरिष्ठ उपाध्यक्ष सोमप्रसाद धितालका अनुसार यो ऐनको सशक्त कार्यान्वयन हुन सके नेपाली विज्ञापन उद्योग र समग्र मिडिया उद्योग सबल र सक्षम हुनेछन् ।
एनले भने,‘अहिले नेपालको विज्ञापन बजार आधिकारिक रुपमा नै ९ अर्बभन्दा बढीको छ । क्लिन फिड लागू भएपछि भारतीय उद्योग र अन्य बहुराष्ट्रिय कम्पनीहरुले नेपालमा छुट्टै विज्ञापन दिनुपर्छ भन्ने मान्यता स्थापित हुनेछ र यसले विज्ञापन उद्योग २० अर्बभन्दा माथि जानेछ । ’
वि.सं.२०७६ कात्तिक २७ बुधवार ०८:२१ मा प्रकाशित