Sansar News- Nepal's Fast Khabar Online News Portal

कविता : म लिपुलेक

संसार न्यूज़
८ महिना पहिले
कविता : म लिपुलेक

काठमान्डौलाई कहिल्यै चासो रहेन
कसरी जीवित थियो मेरो घिड्घिडो
बाँच्नकै निम्ति
मैले खाएका गोताहरूबाट
कोसौ दूर रहेको ऊ
यता नुनको अभाव खड्किरहँदा
उता सुनको भाउ घटबढमा घोत्लिन्थ्यो
मलाई पुसको ठिहीले
कप्लक्क निल्ला झै
मुख बहाएको बेला
ऊ फेसन सोको र्याम्पमै
कम्मर मर्काउथ्यो

पल्लाघरे,माथ्लाघरे छिमेकी
माखो चिप्लेने सडकमा
चिप्लेटी खेल्दै
जीवनका आधारभूत आवश्यकता
गम्लङ्ग अङ्गालेर मुस्कुराइरहेको दृश्य
घुटुघुटु थुक निल्दै
टुलुटुलु हेरिरहनु
मेरो नियति हुन्थ्यो

मेरै सहोदर
जङ्गेपिलर पनि
घरि ढालिने
घरी सारिने
घरि गायबै पारिने
व्यथा सुनाइरह्यो बेलाबेला
परिवर्तनको फिलाङ्गो
आइपुग्ला हामीसमक्ष पनि
सीमाको सुरक्षित घेरामा
नाचौला हामी पनि
हतास नबन
सम्झाएथेँ धेरै पटक

तर यसपाली त
मुटुमा बज्रेका पराइ बुट
शिरमा उडेका जेटका आवाजले भयभित म
आवाजबिहीन छु
इसारामै भनिरहेछु
भर टुट्यो कुरा बढा गर्नेहरूसँग
देशको सीमाना खोज्नेहरू आऊ
म आफ्नै करेसामा कसरी शरणार्थी बनिरहेछु
हेरेर जाऊ
म लिपुलेक ।।

२०७६\७\३०

 

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ३ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो ५ दिन पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ३ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ?

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ? ३ दिन पहिले | संसार न्यूज़

१९ असार, काठमाण्डौं । नेपालमा कोरोना संक्रमणबाट ८२३ जना मुक्त…