Sansar News- Nepal's Fast Khabar Online News Portal

‘समाजले सम्पदाको स्वामित्व ग्रहण नगर्दासम्म समृद्धि सम्भव छैन’

संसार न्यूज़
९ महिना पहिले

३ मङ्सिर, बुटवल । समाजले सम्पदाको स्वामित्व ग्रहण नगर्दासम्म समृद्धि सम्भव नहुने बुद्ध जन्मस्थल लुम्बिनीमा आयोजित छलफल कार्यक्रममा निष्कर्ष निकालिएको छ । लुम्बिनी प्रेस क्लब, रुपन्देहीले बुद्ध जन्मस्थल लुम्बिनीमा आयोजना गरेको लुम्बिनी समाचार महोत्सव अन्तर्गत ‘लुम्बिनी सम्पदा, समृद्धि र समाज’ विषयक सोमबार आयोजित छलफलका वक्ताहरुले कुनै पनि सम्पदालाई समाजको समृद्धिसँग जोडेर संरक्षण गर्नुपर्ने बताए ।

कार्यक्रममा नेपाल कम्युनिष्ट पार्टी (नेकपा) का स्थायी समिति सदस्य तथा सांसद घनश्याम भुसालले लुम्बिनीको विकासका लागि योजनाअनुसारको काम हुन नसकेको बताए । “लुम्बिनीको बहुआयामिक पक्ष देख्दा दङ्ग लाग्दो छ, तर अवस्था देखेर दिक्क लाग्छ”, उनले भने ।
लुम्बिनी विकास कोषका उपाध्यक्ष अवधेशकुमार त्रिपाठी (भिक्षु मेत्तेय) ले लुम्बिनीको विकासमा विगत ४० वर्षको अवधिमा नेपाल सरकारको अहिलेसम्म रु छ अर्बको लगानी भएको बताए । यसका साथै लुम्बिनीको सुन्दरताका लागि विभिन्न मुलुकका बौद्ध गुम्बा निर्माणमा करीब रु १९ अर्बको लगानी भएको समेत उनले जानकारी गराए । उनले लुम्बिनी गुरुयोजना सकिने चरणमा रहेको उल्लेख गर्दै गुरुयोजना छिटो सकेर बुद्ध सर्किटको विकास गर्ने तयारीमा विकास कोष रहेको बताए ।

प्रदेश सभा सदस्य फकरुद्धिन खानले लुम्बिनीका महत्वपूर्ण सम्पदा सुरक्षित गर्न प्रदूषण नियन्त्रण गर्नुपर्ने बताए । “लुम्बिनी क्षेत्रमा स्थापित भएका उद्योगको प्रदूषणका कारण सम्पदामा गम्भीर आँच पुगेको छ, यसको नियन्त्रण जरुरी छ”, उनले भने । नेपालको पर्यटन प्रवद्र्धनको प्रमुख आधार नै लुम्बिनी भएकाले यसको विकासमा सरकार गम्भीर बन्नुपर्ने उनले बताए । उनले लुम्बिनीका विहारमा पर्यटक बस्दा यहाँका पर्यटन व्यवसायीलाई असर परेकाले यसबारे विकास कोष जवाफदेही बन्नुपर्ने धारणा राखे ।

कान्तिपुर दैनिकका सम्पादक सुधीर शर्माले लुम्बिनीमा पर्यटकको बसाइँ अवधि लम्ब्याउन आकर्षक प्याकेज निर्माण गरी बृहत्तर गुरुयोजना निर्माण गरी अघि बढ्न सकिने धारणा राखे । एबिसी टेलिभिजनका सञ्चालक शुभशङ्कर कँडेलले सम्पदाको संरक्षण आशा र आदर्शको संयोजन भएकाले आम जनताको जीवनसँग यसलाई जोड्नुपर्ने बताए । उनले लुम्बिनीको विकास र संवद्र्धनका लागि लुम्बिनी विकास कोष र स्थानीयबीच समन्वय हुनुपर्नेमा जोड दिए । तीनै तहका सरकार मिलेर लुम्बिनीको समृद्धिका लागि योजना बनाउनुपर्ने उनको भनाइ छ । (रासस)

सर्बाधिक पढिएको

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित)

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित) २ हप्ता पहिले | संसार न्यूज़

काठमाडौं । त्रिभुवन विश्वविद्यालयअन्तर्गतको इन्जिनियरिङ अध्ययन संस्थानले लकडाउनका कारण रोकिएका…

त्रिवि परीक्षा संचालनका लागि समितिले दियो यस्तो चार विकल्प

त्रिवि परीक्षा संचालनका लागि समितिले दियो यस्तो चार विकल्प ३ हप्ता पहिले | संसार न्यूज़

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न…

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन ३ हप्ता पहिले | संसार न्यूज़

२ साउन, काठमाडौं । विश्वव्यापी रुपमा फैलिएको कोरोना महामारी रोकथाम…

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई ३ हप्ता पहिले | संसार न्यूज़

५ साउन,काठमाडौँ । त्रिभुवन विश्वविद्यालयले आगामी भदौ पहिलो सातादेखि परीक्षा…