Sansar News- Online for Global Nepali

मगर संघ युकेद्धारा एक करोडको अक्षयकोष पूरा भएको जानकारी, विश्व किर्तीमानी पूर्जालाई सम्मान

बम थापा (सुर्यवंशी)
१ वर्ष पहिले
मगर संघ युकेद्धारा एक करोडको अक्षयकोष पूरा भएको जानकारी, विश्व किर्तीमानी पूर्जालाई सम्मान

१२ मंसिर, युके । मगर संघ युकेले आफ्नो एक करोडको अक्षकोष पूरा भएको जानकारी दिएको छ ।

संघले नोभेम्बर २३ का दिन एक कार्यक्रमकाबीच नेपालमा रहेका गरिब तथा जेहेन्दार मगर विद्यार्थीका लागि स्नाकोत्तर तथा विद्यावारिधीका लागि निर्माण गरेको अक्षयकोषमा रु १ करोड पूरा भएको जानकारी दिइएको हो ।

संघले अक्षयकोष स्थापनाका लागि २०१५ देखि च्यारिटी कार्यक्रममार्फत् रकम संकलन सुरु गरेको थियो ।

संघका अध्यक्ष सुनिल रानाको अध्यक्षता, विश्व किर्तीमानी हिमाल आरोहि निर्मल पूर्जाको प्रमुख आतिथ्यता तथा लेफ्टिनेन्ट कर्नेल याम राना, खेंबो निमासिँगे रामजाली मगर, डा. निरज थापा तथा डा. बल थापाको विशेष आतिथ्यता रहेको उक्त कार्यक्रममा संघका पूर्वअध्यक्ष चिम्खोले काइँलाले संघले सुरु गरेको एक करोडको अक्षयकोष पूरा भएको जानकारी दिएका थिए ।

संघका महासचिव रुद्र थापाको संचालन रहेको उक्त कार्यक्रममा कार्यक्रमका संयोजक एवं उपाध्यक्ष छविमाया पुनको स्वागत मन्तव्य रहेको थियो भने चिम्खोले काइँला र संघका सल्लाहकार रमेश साराङकोटी मगरले मगर स्नाकोत्तर तथा विद्यावारिधी अक्षयकोष स्थापना गर्नुका बारेमा बताएका थिए ।

सोहि अवसरमा कार्यक्रमका प्रमुख अतिथि तथा विश्वकिर्तीमानी कायम गरेका हिमाल आरोहि निर्मल पुर्जामगरलाई हिमाल आरोहणका क्षेत्रबाट विश्वभरी देशलाई चिनाउन सफल भइ सम्पूर्ण नेपालीले गर्व गर्ने काम गरेको भन्दै संघद्धारा खादा ओढाएर सम्मान गरिएको थियो । सम्मानित पुर्जाले व्यक्तिगत खुसीका लागि नभएर नेपाल र नेपालीका लागि किर्तीमानी कायम गरेको बताउँदै हिमाल आरोहणका क्रममा बटुलेको अनुभव सुनाएका थिए ।

उक्त कार्यक्रममा नेपालबाट आएका चर्चित गायक प्रकाशखप्तरी मगर र गायिका दिमा रोका मगरको सांगितीक प्रस्तुति रहेको थियो भने बेलायतमा रहेका मगर युवाहरुले युथ ट्यालेन्ट प्रतियोगिता र फेशन सो प्रदर्शन गरेका थिए । उक्त युथ गट ट्यालेन्ट शोको सोम राना, दिया पुन र निकिता बुढाले मूल्यांकन गरेको शो मा केन्ट शाखाका जोडि रिया थापा र इसमे थापा पहिलो, स्विडन शाखाका ललित थापा दोश्रो र युएचएसबी शाखाका रामुना पुन तेश्रो भएका थिए ।

मगर गट ट्यालेन्टको संयोजक किशोर रानाले गरेका थिए भने दीपक थापा, मैथाने मगर, दिनेश रोका र जानकी रोकाको उद्घोषण रहेको थियो ।

सर्बाधिक पढिएको

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु ३ दिन पहिले | संसार न्यूज़

  २ माघ, काठमाडौं । नेपाली सेनाको भर्ना छानौट निर्देशनालय…

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि ५ दिन पहिले | अजय खत्री

२९ पुष, काठमडौं । सेयर बजारमा पछिल्लो समय सर्वसाधारणको आकर्षण…

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण  हुनेहरुको नामावली

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण हुनेहरुको नामावली २ हप्ता पहिले | संसार न्यूज़

१९ पुस, काठमाडौं । नेपाली सेनाको भर्ना छनौट निर्देशनालय कार्यरथी…

प्रहरीले जारी गर्यो कार्यालय सहयोगी पदमा आवेदन दिएकाहरुका लागि यस्तो सूचना

प्रहरीले जारी गर्यो कार्यालय सहयोगी पदमा आवेदन दिएकाहरुका लागि यस्तो सूचना ३ हप्ता पहिले | संसार न्यूज़

१४ पुस, काठमाडौं । नेपाल प्रहरीले कार्यालय सहयोगी पदमा उम्मेदवार…