Sansar News- Nepal's Fast Khabar Online News Portal

त्रिदेशीय साझेदारीमा भारत-चीन सकारात्मक:प्रचण्ड

संसार न्यूज़
६ महिना पहिले
त्रिदेशीय साझेदारीमा भारत-चीन सकारात्मक:प्रचण्ड

१३ मंसिर, काठमाण्डौं । पूर्वप्रधानमन्त्री तथा नेकपाका अध्यक्ष पुष्पकमल दाहाल ‘प्रचण्ड’ले त्रिदेशीय साझेदारीको रणनीतिमा भारत र चीन दुवै सकारात्मक बन्दै गएको बताएका छन् ।

‘नेपाल–चाइना मेडिया फोरम’ द्धारा शुक्रबार काठमाण्डौंमा आयोजित एक कार्यक्रममा पूर्वप्रधानमन्त्री प्रचण्डले आफूद्धारा उठाइएको त्रिदेशीय साझेदारी रणनीतिको निर्माणमा विस्तारै दुवै देश सकारात्मक भएको  बताएका हुन् । नेपालको मात्र होइन, भारत र चीनको पनि हित र समृद्दिका लागि त्रिदेशीय साझेदारी निर्माणको महसुस सबैलाई भएको समेत प्रचण्डले बताए ।

नेपाल, चीन र भारतवीच त्रिदेशीय समन्वय र सहकार्यबाटै समृद्दि हासिल हुने कुरालाई चिनियाँ राष्ट्रपतिको नेपाल अघि गरेको भारतको भ्रमणले पृष्टि गरेको तथा राष्ट्रपतिसँग आफूले पौने दर्जन भेटघाट गरेको समेत खुलासा गरे ।

नक्कल नगरीकन चिन्तन र सभ्यताको विकास गर्न, राष्ट्रिय एकतालाई सुदृढ गर्न र एकताको बलमार्फत् सीमा सुरक्षा गर्न मेडियाको भुमिका हुने बताउँदै उनले चुनौती रहित उपलब्धि नहुने बताए । चीनसँगको सम्बन्ध अझै सुदृढ गर्न तथा त्रिदेशीय रणनीति निर्माणको थप आधार बनाउन आफू छिट्टै चीन जान लागेको पनि प्रचण्डले बताए ।

‘नेपाल–चाइना मेडिया फोरमका अध्यक्ष किशोर श्रेष्ठको सभापतित्वमा सम्पन्न उक्त कार्यक्रममा नेकपाका केन्द्रीय सदस्य तथा विदेश विभाग उपप्रमुख विष्णु रिजाल, पूर्वमन्त्री डा. रामशरण महत, चिनियाँ दूतावासका राजनीति र प्रेस मामिला प्रमुख वाङ सियालोङ लगायतले मंतव्य राखेका थिए ।

कार्यक्रमको दोस्रो शत्रमा पूर्वराजदूत हिरण्यलाल श्रेष्ठले सभापतित्व गरेका थिए भने प्रा.डा युवराज संग्रौला र युवराज घिमीरेले कार्यपत्र प्रस्तुत गरेका थिए । कार्यपत्रमाथि प्रा.डा खड्ग केसी तथा वरिष्ठ पत्रकार तीर्थ कोइरालाले टिप्पणी राखेका थिए ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ६ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ३ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ४ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…