Sansar News- Nepal's Fast Khabar Online News Portal

कविता : खेतबारी बेचेर महल

बसन्त थापा मगर, मेरिल्याण्ड अमेरिका
७ महिना पहिले
कविता : खेतबारी बेचेर महल

प्याजको यती मूल्य
करेलाको यती मूल्य
मासुको यती मूल्य
आलुको यती मूल्य
सागको यती मूल्य
दालको यती मूल्य
भनेर भन्नेहरू
के यी सबै एकै चोटी
एकै दिन बनाएर
खाने गरिन्छ र ?
आमाले बारीमा रोपेको साग
पकाएर भात खाएको
आमाले घैटोमा बनाएको
गुन्द्रुक भुलुक्क उमालेर खाएको
आमाले रोपेको आलु खनेर
लसुन ओखलेर खाएको
आमाले गोठमा पालेको
गाइ र भैसी
आमाले खोरमा पालेको
कुखुरा र खसी
यती चाडै बिर्सेउ र
कि भोज जस्तै अनेक थरी
पकाएर छाकै पिच्छे खान्छौ
नेपालीको गच्छे त जे पकाए नि
एकै थरी मात्र हो
प्याज कै मात्र
खोर्सानी कै मात्र
तरकारी त कोही खादैनन्
किलो र धार्नी आलु पनि
एकै पल्ट पकाई दैन
आमाले पकाएको र
सानामा खाएको बिर्सेउ कि
होइन भने महँगी भयो भनेर
किन ट्याउ–ट्याउ गर्छौ
अन्न र तरकारी उमार्ने
खेतवारी बेचेर किन
ठुला–ठुला घर बनाउछौ
भएको जमिन बेच्छौ
भएको जमिन भाडामा दिन्छौ
भएको जमिन खÞाली राख्छौ
अनि महँगो भयो भनेर
ट्याउ–ट्याउ गर्छौ
घरको भाडा घटाए
मोटरको भाडा घटाए
बाँजो जमिन जोत्न रोप्न लागे
आफ्नो जमिन र भाडा
महँगो बनाउन छाडे
आफुले बेच्ने सामान सस्तोमा
बेच्न थाले
सबै कुरा सस्तो नै होलान्
आफुले बेच्नेको मूल्य धेरै
अनुपात थोरै राख्ने
आफूले किन्ने सामानको
मूल्य थोरै
अनुपात धेरै खोज्ने
यो मानसिकता अमिल्दो हो की
यसै कारण महँगी बढेको हो की
काम गर्न लाज मान्ने
एक थरी खादा गरिब ठान्ने
ए बुज्रुकहरू हो
एक पटक धुर्मुस जस्तो
काम गरेर हेर
एक थरी तरकारी सँग
भात खाएर त हेर
मूल्य के हो थाहा हुन्छ
जीवन के हो थाहा हुन्छ
टन्न अनेक खाएर
गन–गन नगर
बिकासमा लाग
विवाद र अवरोध
गरेर नबस
सबैलाइ चाहिने के–के हो
सबै मिलेर लिन दिन खोज
राज्य र नागरिक मिलेर
देश र जनतालाइ चाहिने
उत्पादन र निर्माण गर्न तिर लाग
माग र अबरोध मात्र गरेर
राजनीति र जीवन चलाउने
काम र माम छोड

सर्बाधिक पढिएको

होटल क्वारेन्टिनको विवरण सार्वजनिक, हेर्नुहोस् होटलहरुको सूचि, सम्पर्क र दर समेत

होटल क्वारेन्टिनको विवरण सार्वजनिक, हेर्नुहोस् होटलहरुको सूचि, सम्पर्क र दर समेत ४ हप्ता पहिले | संसार न्यूज़

२४ जेठ, काठमाडौं । सरकारले बिदेशबाट आएर आफ्नै खर्चमा क्वारेन्टिनमा…

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ३ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो ४ दिन पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ३ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…