१ .
जिस्किदै तिम्रा कोमल अंग, छुदा मजा लाग्छ
किन हो मलाई तिम्रै साथमा, हुँदा मजा लाग्छ
खुलेर यो मनमा लुकेको, सारा पिडाहरु सुनाई,
तिम्रो न्यानो अंगालोमा परी, रुदा मजा लाग्छ ।
२ .
तिमीलाई दुनियाँ रुवाउने, कला सिक्नु छ
तर मलाई संसार हसाउने, कला सिक्नु छ
नधोएर गयो न रोएर गयो, यो दिलको घाउ,
मलाई त्यहि याद धुलाउने, कला सिक्नु छ ।
३.
हामीले जस्तो गर्यौ कर्म, उस्तै फल मिल्छ हजुर
प्रतिक्षा गर्न सिक्नुस, खुशिको पल मिल्छ हजुर
सजग रहनु आबश्यक छ, चिप्ला कुरा गर्नेसँग,
पराईको के कुरा, यारहरुबाट छल मिल्छ हजुर ।
४.
महिला अधिकार पोको पारी राख्छन झोलामा
सोझासाझा महिलालाई मारी फाल्छन खोलामा
बालबालिका र नारीको कस्ले सुरक्षा गर्ने अब,
अझै के–के देख्नुपर्छ बाचुन्जेल को यो चोलामा ।
५.
ओठ टोकि मुस्काउँदै, हेर्यौ यार बार्दलि बाटै
उर्लदो बैशको धोको, फेर्यौ यार बार्दलि बाटै
कसम गोलि लाग्यो दिलमै, कस्तो जादु गर्यौ,
मलाई नजरकै, घेरामा घेर्यौ यार बार्दलि बाटै ।
वि.सं.२०७६ मंसिर १४ शनिवार १०:२४ मा प्रकाशित