Sansar News- Nepal's Fast Khabar Online News Portal

कस्तो बिद्यालय बालमैत्री विद्यालय हुन्छ ?

संसार न्यूज़
१० महिना पहिले
कस्तो बिद्यालय बालमैत्री विद्यालय हुन्छ ?

बालमैत्री बिद्यालय वा बालमैत्री कक्षा भन्ने एकदमै सुनिन्छ । के हो त बाल मैत्री बिद्यालय भन्ने सन्दर्भमा शिक्षाविद् मनप्रसाद वाग्लेले १० बुँदे विचार प्रस्तुत गरेका छन् । यो विचार उनको पुरानै भएपनि आज पनि उत्तिकै सान्दर्भिक र उपयोगी भएकाले यहाँ प्रकाशित गरिएको छ ।
बालमैत्री विद्यालय वा बालमैत्री कक्षा बारे उनी भन्छन् :

१) सुरक्षित, स्वस्थकर, सफा र संरक्षित पूर्वाधार
(सुद्ध खानेपानी, सफा कक्षाकोठा, भूकम्प जस्ता दैवी प्रकोपबाट सुरक्षित, घर देखि स्कूल र स्कूल देखि घर जाने सुरक्षा, ढुक्क भएर पढ्न पाउने वातावरण, सबै खाले हिंसारहित कक्षाकोठा र स्कूल वातावरण) ।
२) बाल अधिकारको सम्मान
(बाल अधिकार महासन्धिले पारित गरेका सबैखाले प्रावधान)
३) सबै खाले बालक प्रति भेदभाव रहित समान व्यवहार
(गरिब, ठूला रोग लागेका, भिन्न क्षमता भएका, सिमान्तकृत अनि भाषिक, लैंगिक, सांस्कृतिक, बर्गीय सबैखाले) ।
४) बिद्यालय शान्ति क्षेत्रको बिकास
(विद्यालयका लागि समूदायको शैक्षिक क्रियाकलाप बाहेक बिद्यालय भित्र अन्य कुनै पनि कार्यक्रममा प्रतिवन्ध, र माथि १, २, र ३ नम्बरका सबै प्रावधान) ।
५) शिक्षक प्रति बाल भरोसा
(बाल शोषण, यौन हिंसा, तथा कुनै पनि हिंसा शिक्षकबाट हुँदैन भन्ने बिश्वास र शिक्षक बाल बिकासको प्रमुख कडीको रूपमा) ।
६) बालकहरुमा बिद्यालय प्रति सकारात्मक सोचको बिकास
(सबै बालकहरु स्कूल जान भनेपछि रमाइलो मान्ने, स्कूल जानैपर्छ भन्ने भावना, स्कूलनै आफ्नो उन्नतिको धारणा, पढाउने शिक्षक र प्रधानाध्यापकका राम्रा व्यवहारको नक्कल, शिक्षक र बिद्यालय प्रति सम्मान) ।
७) सहकार्यको अवधारणा
(साथी साथी मिले धेरै गर्न र सिक्न सकिन्छ भन्ने भावना, एकले अर्कोलाई सघाउने बानी, आफू कम्जोर भएका कुरामा अरुबाट सहयोग लिने प्रवृत्तिमा बिकास) ।
८) शिक्षामा बिद्यालय र समूदायको संयुक्त प्रयास
(समूदायको उन्नतिमा विद्यालयका बाल बालिकाको भूमिका, बिद्यालय बिकासमा समूदायको योगदान, समुदायलाई विद्यालयले पुरयाउने दीर्घकालीन प्रभाव, समूदायका बाल बालिकाको सर्बांगिण बिकास जस्ता अल्पकालीन र दिर्घकालिन योजना निर्माण र कार्यान्वयनमा बिद्यालय र समूदायको संयुक्त पहल) ।
९) सक्रिय एबम उत्पादनमुखी नागरिकको अवधारणा
(समाजमा योगदान दिन सक्ने क्षमता, राज्यको नागरिकको दायित्व, लोकतान्त्रिक मूल्य मान्यता, असल नागरिक बनाउने प्रयास) ।
१०) शिक्षामा बालकको परिवारको संलग्नता
(आफ्ना केटाकेटीको पढाई प्रति अभिभावकको रुची, अभिभावकले विद्यालयलाई सघाउने क्रियाकलाप, घर र बिद्यालयबीच बाल बिकासका सन्तुलित प्रयास, बिद्यालयमा सिकेका कुरा घरमा र घरमा सिकेका मूल्य र मान्यताहरु बिद्यालयमा सम्मिश्रण र प्रवर्धन, बालविकास र क्षमताका आधारमा सबै परिवारका बालबालिकाको न्युनतम स्तर एबम् प्रगतिको सुनिश्चितता) ।

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो १ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ४ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…