Sansar News- Nepal's Fast Khabar Online News Portal

हैदरावाद डाक्टरमाथि बलात्कारपछि हत्याकाण्डका चारैजना आरोपि मुठभेडमा मारिए

संसार न्यूज़
१० महिना पहिले
हैदरावाद डाक्टरमाथि बलात्कारपछि हत्याकाण्डका चारैजना आरोपि मुठभेडमा मारिए

२० मंसिर, काठमाण्डौं । हैदरावादकी जेटिए डाक्टरको बलात्कारपछि हत्या गरेका चारैजना आरोपी प्रहरीको इनकाउन्टरमा मारिएको समाचार छ ।

प्रहरी हिरासतमा रहेका ती चार अभियुक्तहरु हैदरावादबाट ५० किलोटिरको दूरीमा रहेको महबुब जिल्लाको चटनपल्ली गाउँमा प्रहरीको इन्काउन्टमा मारिएको बताइएको छ ।

तेलंगना प्रहरीका इडीजी (ल एण्ड अर्डर) जितेन्द्रले शुक्रबार रातको तीनबजे चारैजना आरोपिको मुठभेडमा मृत्यु भएको बीबीसीलाई बताएका छन् ।

विहिवारको राती प्रहरीले चारै अभियुक्तलाई एक स्थानमा लगेका थिए जहाँ महिला डाक्टरलाई उनीहरुले जिउँदै जलाएका थिए । एक प्रहरीले आफ्नो नाम नबताउने शर्तमा बीबीसीलाई बताएका छन् ।

त्यहाँ घटनाको दृश्य रिक्रियट गर्ने क्रममा अभियुक्तहरुले प्रहरीमाथि आक्रमण गर्ने कोशिष गरेका थिए । जसमा प्रहरीको कारबाहीमा उनीहरुको मृत्यु भएको हो ।

उक्त इन्काउन्टरमा आरोपि मारिएपछि मृतक डाक्टरका बाबुले आफ्नो छोरीको आत्मालाई शान्ति मिलेको बताएका छन् ।

स्मरण रहोस्, नोभेम्बर २८ तारिखमा हैदरबादको एक टोल प्लाजाको नजिक २६ वर्षकी एक डाक्टरको जलेको अवस्थामा शब भेटिएको थियो । प्रहरी अनुसन्धानका क्रममा ती डाक्टरमाथि चार युवाले बलात्कारपछि जलाएर हत्या गरेका थिए । घटना पछि ती चार युवालाई पक्राउ गरेर १४ दिनको न्यायिक हिरासतमा पठाइएको बताइएको छ ।

आफ्नो स्कुटरको टायर पंचर भएपछि रातको ९ बजे उक्त टोल प्लाजामै स्कुटर छोडर हिँडेर घर जान लागेकी ती २६ वर्षीया डाक्टरलाई केही युवाले स्कुटर बनाइदिने बहानामा अन्तै लगेर बलात्कारपछि जलाएर हत्या गरेका थिए ।

स्कुटर बिग्रीएको बहिनीसँग फोनमा बताइरहेकी ती डाक्टरले ती युवाहरुले आफूलाई घुरेर हेरेको बताउँदै केही क्षणमा फोन गर्ने बताएपनि उनको फोन स्वीचअफ भएको थियो । तत्कालै उनका परिवार उक्त प्लाजामा आउँदा डाक्टर त्यहाँ भेटिइनन । उनीहरुले प्रहरीमा छोरी हराएको उजुरी दिए । तर, बिहान प्रहरी स्टेशनको छेउमा रहेको एक अन्डर कन्ट्रक्सन पुलको तल आधा जलेको शब भेटिएको सूचना आएको थियो । त्यसपछि डाक्टरका परिवार प्रहरी त्यहाँ पुगेर शबको शनाखत गरेका थिए ।

डाक्टरको हत्यापछि त्यसको विरोधमा भारतभरी आवाज उठेको थियो । भारतका केही नेता तथा सांसदले यसरी बलात्कारपछि हत्या गर्ने अभियुक्तलाई सार्वजनिक स्थलमा लगेर जनताले सजाय दिनुपर्ने लगायतका आवाजहरु पनि उठीरहेका थिए ।

PHOTO-ANI

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो १ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ४ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…