Sansar News- Nepal's Fast Khabar Online News Portal

युक्रेन आगलागीमा १४ बेपत्ता, २७ घाइतेमध्ये अधिकांश विद्यार्थी

एएफपी
१० महिना पहिले
युक्रेन आगलागीमा १४ बेपत्ता, २७ घाइतेमध्ये अधिकांश विद्यार्थी

२० मसिंर, किभ ।  युक्रेनमा भएको आगलागीमा परेकामध्ये १४ जना हराइरहेका अधिकारीले जनाएका छन् ।

युक्रेनको दक्षिणी क्षेत्रमा पर्ने ओडिसा बन्दरगाह शहरमा भएको आगलागीमा परेकाहरूको केही पत्ता नलागेको राष्ट्रपति भोलोडीमीर जेलेन्स्कीले बताए ।

ओडिसाको मध्य भागमा रहेको एउटा कलेजको भवनमा बुधबार आगलागी भएको र हराएकाहरू विद्यार्थी नै रहेको अधिकारीहरूले जनाएका छन् ।

आगलागीमा परी १६ वर्षीया एक छात्राको मृत्यु भएको पुष्टि भएको छ भने अरू २७ जना घाइते भएका छन् । घाइतेमध्ये केहीको शरीरका धेरै भाग जलेको अवस्थामा अस्पतालमा उपचार भइरहेको छ ।

आगलागी भएको छ तले घरभित्र रहेका ती विद्यार्थीहरू जीवितै छन् की भनेर सुरक्षाकर्मी तथा उद्धारकर्ताहरूले खोजी कार्य जारी राखेका छन् ।

बिहीबार बिहानैदेखि अग्नि नियन्त्रकहरूले पनि आगो निभाएर भग्नावशेष अवस्थाका पर्खाल तथा अन्य सामानहरू हटाउने कार्य गरिरहेको अधिकारीहरूले जनाएका छन् ।

राष्ट्रपति जेलेन्कीले सामाजिक सञ्जाल फेसबुकमा लेख्नुभएको छ, “सम्पर्कबिहीन रहेका १४ जना नै जीवितै अवस्थामा एकदमै चाँडै भेटिने विश्वास गर्दछौँ ।” उहाँले त्यहाँ अरू पनि पीडित भएको हुनसक्ने आशङ्का पनि व्यक्त गर्नुभएको छ ।

खोजी तथा उद्धारमा खटिएका मध्ये सात जना अग्नि नियन्त्रकहरू घाइते भएका छन् । घाइतेमध्ये पाँच जनाको अवस्था गम्भीर रहेको जनाइएको छ ।

“हामी सबैले उनीहरूको जीवितै उद्धार गर्न सकियोस भनेर प्रार्थना गरिरहेका छौँ,” ४१ वर्षीय राष्ट्रपति जेलेन्कीले भने ।

उनले घाइतेहरूलाई स्वस्थ अवस्थामा फर्काउनका लागि चिकित्सकले सम्भव भएसम्मका सबै प्रयास गरिरहेको पनि उल्लेख गरेका छन् । उनले चिकित्सकको प्रयास सफल हुने विश्वास पनि व्यक्त गरेका छन् ।

घटना भएको शोकमा ओडिसाका नगर प्रमुखले बिहीबार र शुक्रबार नगरभरी शोक मनाइने निर्णय भएको जानकारी दिए ।

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो १ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ४ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…