Sansar News- Nepal's Fast Khabar Online News Portal

कविता : भन के बनूँ म

उत्तम विचार, काठमाण्डौ
८ महिना पहिले
कविता : भन के बनूँ म

पुस माघको निम्छरो घाम बनूँ
या त शितल जून बनूँ म
अजम्बरी गीतको भाका
या संगीतको धुन बनूँ म !
तिमीनैं भन प्रिय तिम्रा लागि
भन, के बनूँ म ।

चट्टानमा बज्रनु अघि
कलकल बग्ने झरना बनूँ म ।
या त ओईलिएर झर्नु अघि
वागमा फुलेको सुन्दर गुलाफ
अझ भनौं तिम्रा मायालु ओठमा फूल्ने
त्यो मीठो मुस्कान बनूँ म ।
तिमीनैं भन प्रिय तिम्रा लागि
भन के बनूँ म ।

तराईका अन्न भन्डार
सम्म फाँट मैदान बनूँ म ।
पहाडका गह्रा गह्रा
अनि कुना कन्दरा सम्म
फैलिएको चिया बगान बनूँ म
या बनौं एक अँजुली बैँस फुल्ने
तिम्रै जिन्दगीको उद्यान बनूँ म
तिमीनैं भन प्रिय तिम्रा लागि
भन के बनूँ म ।

बुद्ध बनूँ महाज्ञानी
या त ध्यानी बनूँ म
चुरे बनूँ नाँगो पहाड
रित्तो खानी बनूँ म !
पोतेर पुर्वमा लालिमा
नयाँ बिहानी बनूँ म ।
बनौं म सबको चिनजान
या सुनसान बनूँ म
बैँस उतै निचोरेर
चालीस पछि फर्काईने
या त पापी मुग्लान बनूँ म ।
तिमीनैं भन प्रिया तिम्रा लागि
भन के बनूँ म ।

सुरम्य ताल बनूँ या त
आहाल बनूँ म
सगरमाथाझैं अग्लिएर
उच्च हिमाल बनूँ म
माछापुच्छ्रे कंचनजंघा
अपि सैपाल बनूँ म ।
राई बनूँ शेर्पा गुरूङ
या त संथाल बनूँ म
मयुरसँगै नाँचौं या
डाँफे मुनाल बनूँ म
तामाङ्ग सेलो सोरठी
र द्यौडाको ताल बनूँ म ।
तिम्रै नजर सापटी लिई
संसार चिहाउने आँखिझ्याल बनूँ म
तिम्रो चाहा मार्दिन म
मेरो चाहा हार्दिन म
अरू केही नसके नि
सुन्दर नेपाल बनूँ म ।
तिमीनैं भन प्रिया तिम्रा लागि
भन के बनूँ म ।

सर्बाधिक पढिएको

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित)

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित) २ हप्ता पहिले | संसार न्यूज़

काठमाडौं । त्रिभुवन विश्वविद्यालयअन्तर्गतको इन्जिनियरिङ अध्ययन संस्थानले लकडाउनका कारण रोकिएका…

त्रिवि परीक्षा संचालनका लागि समितिले दियो यस्तो चार विकल्प

त्रिवि परीक्षा संचालनका लागि समितिले दियो यस्तो चार विकल्प २ हप्ता पहिले | संसार न्यूज़

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न…

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन ३ हप्ता पहिले | संसार न्यूज़

२ साउन, काठमाडौं । विश्वव्यापी रुपमा फैलिएको कोरोना महामारी रोकथाम…

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई २ हप्ता पहिले | संसार न्यूज़

५ साउन,काठमाडौँ । त्रिभुवन विश्वविद्यालयले आगामी भदौ पहिलो सातादेखि परीक्षा…