Sansar News- Nepal's Fast Khabar Online News Portal

कविता-विश्वका दिव्य तारा

सम्पत काफ्ले, काठमाण्डौ
८ महिना पहिले
कविता-विश्वका दिव्य तारा

नेपालीका मन मुटु छुने काव्य राम्रा दियेर
हाँसेका छौ कविवर नयाँ सिर्जना पस्कियेर ।
डाँडा खोला वन चउरका दृश्य टप्पै टिपेर
राखेका छौ अति चतुर भै काव्यमा त्यो खिपेर ।

गाए रम्दै मधुर लयमा गीत हाम्रै युवाले
आए हाँस्दै पुलकितहुँदै सुन्दरी नाच्न थाले ।
डाँडा पाखा रनवन सवै गीत तिम्रै सुसेल्छन्
सुन्छन् प्यारो मृदुल धुन यो किन्ररी लठ्ठपर्छन् ।

राम्रा राम्रा प्रणय कविता सुन्नखोज्दै छ डाँफे
बोकी तिम्रा मृदुल कविता उड्नखोज्दै छ डाँफे ।
जा जा डाँफे भुवनभरनै छर्न जा काव्य धारा
हाम्रा प्यारा कविवर बनुन् विश्वका दिव्य तारा ।

गाए तिम्रै मधुर कविता स्वर्गमा देवताले
हाँस्दै रम्दै छुमु छुमु सवै अप्सरा नाच्नथाले ।
गुञ्जीन्छन् ती प्रणय कविता झुम्छ धर्ती
अकास सुन्छन् तिम्रा मृदुल कविता लठ्ठभै कालिदास ।

लेख्यौ गौरी विरह कविता प्रेम के हो सिकायौ
नेपालीका मन मुटु जिती राष्ट्रसम्मान पायौ ।
रोपेका छौ यस जगतमा किर्ती आफ्ना हजार
पारेका छौ सफल सहजै जन्म यो एक वार ।।

छन्द-मन्दाक्रान्ता ।

(राष्ट्रकवी माधव घिमिरेको १०१ औं जन्म दिवसको अवसरमा राष्ट्रव्यापी कविता प्रतियोगितामा दोस्रो स्थान प्राप्तगर्न सफल कविता )

सर्बाधिक पढिएको

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित)

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित) २ हप्ता पहिले | संसार न्यूज़

काठमाडौं । त्रिभुवन विश्वविद्यालयअन्तर्गतको इन्जिनियरिङ अध्ययन संस्थानले लकडाउनका कारण रोकिएका…

त्रिवि परीक्षा संचालनका लागि समितिले दियो यस्तो चार विकल्प

त्रिवि परीक्षा संचालनका लागि समितिले दियो यस्तो चार विकल्प २ हप्ता पहिले | संसार न्यूज़

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न…

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन ३ हप्ता पहिले | संसार न्यूज़

२ साउन, काठमाडौं । विश्वव्यापी रुपमा फैलिएको कोरोना महामारी रोकथाम…

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई २ हप्ता पहिले | संसार न्यूज़

५ साउन,काठमाडौँ । त्रिभुवन विश्वविद्यालयले आगामी भदौ पहिलो सातादेखि परीक्षा…