Sansar News- Nepal's Fast Khabar Online News Portal

गाउँपालिकाको उदाहरणीय कार्य, श्रमरोजगार बैंक खुलेपछि डोजर विस्थापित

संसार न्यूज़
९ महिना पहिले
गाउँपालिकाको उदाहरणीय कार्य, श्रमरोजगार बैंक खुलेपछि डोजर विस्थापित

२५ मंसिर, दैलेख । जिल्लाको भगवतीमाई गाउँपालिकाले श्रमरोजगार बैंक स्थापनापश्चात् युवा स्थापित डोजर विस्थापित नीति अगाडि सारेको छ ।

आर्थिक वर्ष २०७६\०७७ देखि शुरु हुने श्रमरोजगार बैंकमार्फत १४० युवालाई रोजगारी दिएको गाउँपालिकाले युवालाई विकासमा स्थापित गराएर डोजर विस्थापित नीति अघि सारेको हो ।

नेपालको संविधानको धारा ३३ ले रोजगारीको हकलाई मौलिक हकका रुपमा समावेश गरेको र सोही मौलिक हकको कार्यान्वयन गर्न रोजगारी हकसम्बन्धी ऐन २०७५ अनुसार श्रमरोजगार बैंक स्थापना गरी रोजगार दिएकोे गाउँपालिकाका अध्यक्ष दानबहादुर थापाले बताए ।

उनले चालू आर्थिक वर्षको नीति तथा बजेटमार्फत पाँँच वर्षभित्र गाउँपालिकाका युवालाई बाध्यताले वैदेशिक रोजगारीमा जानुपर्ने अवस्था अन्त्य गर्नका लागि श्रमरोजगार बैंकमार्फत रोजगारी दिन लागेको अध्यक्ष थापाले बताए । चालू आर्थिक वर्षमा २१ योजनामा युवाले काम गर्ने बताउँदै उहाँले यसका लागि युवालाई आवश्यक तालीम प्रदान गरिएको छ भने ।

गाउँपालिकाका प्रमुख प्रशासकीय अधिकृत बखतबहादुर खड्काले श्रम रोजगार बैंकमार्फत गाउँपालिकाका सातवटै वडाबाट प्रतिनिधित्व गर्ने गरी युवा छनोट गरेको र अब हुने विकास निर्माणमा डोजर र उपभोक्ता समितिलाई विस्थापित गर्ने तयारीसमेत रहेको बताए ।

श्रम रोजगार बैंकमा आबद्ध भएका युवालाई कसरी तलब खुवाउने हो त्यसका लागि कार्यविधि निर्माणको चरणमा रहेको र चाँडै कार्यविधि निर्माण गरिसक्ने तयारीमा गाउँपालिका रहेको उनले जानकारी दिए ।

श्रम रोजगार बैंकमार्फत रोजगारी सिर्जना गरेसँगै सो गाउँका युवासमेत उत्साहित भएका छन् । गाउँपालिकाले रोजगार बैंकमार्फत रोजगारी दिएसँगै आफूहरुले उत्साहित भएर काम गर्ने भगवती माई गाउँपालिका–२ का मानबहादुर शाहीले बताए ।

वैदेशिक रोजगारीमा १० वर्ष काम गरेका युवासमेत रोजगार बैंकमा आबद्ध भएर गाउँमा काम पाएपछि खुशीसमेत भएका छन् । श्रम रोजगार बैंकमा काम गर्न उत्साहित हुँदै यो वर्ष छानिएका १४० युवा मध्ये ५० जना यसअघि रोजगारीका लागि दुवई, मलेसिया, कतार र भारत गएर मजदूरी गर्दै आएको भए पनि गाउँमै रोजगारी शुरु हुने भएपछि यो वर्ष भगवतीमाई गाउँपालिकाका ५० युवाले विदेश नजाने निर्णय गरेर श्रम रोजगारमा लागेको गाउँपालिकाले जनाएको छ ।

रोजगार बैंकमार्फत खटिएका कामदारको स्वास्थ्य परीक्षण, तालीम, जीवन बीमा, इपान भर्नेलगायतका अन्य कामसँगै जिल्ला बाहिरसमेत अरुले कामको लागि आवश्यक पर्दा टोली खटाउनका लागि दुईजना छुट्टै व्यक्तिको चयन गरिएको छ । हरेक १० जनामा एक जनालाई टोली कमाण्डर निर्माण गरिएको छ । युवा र युवतीको समान ज्यालाको व्यवस्थापन गरिएको छ ।

यो वर्ष १४० युवाले आआफ्नो वडामा रहेका खानेपानी, सडक, सिँचाइका योजनाको काम गर्ने छन् । उनीहरुलाई सामूहिकरुपमा पशुपालन र तरकारी उत्पादनतर्फ अग्रसर गराउने र हरेक एउटा नमूना काम देखाउने तयारी थालिएको प्रमुख प्रशासकीय अधिकृत खड्काले बताए । रासस

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो २ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

आईपिएलका लागि युएई हिडेका सन्दिपको छुट्यो फ्लाईट

आईपिएलका लागि युएई हिडेका सन्दिपको छुट्यो फ्लाईट २ हप्ता पहिले | संसार न्यूज़

२८ भदौँ, काठमाडौँ । नेपाली युवा लेग स्पिनर सन्दिप लामिछाने…