२६ मंसिर काठमाडौँ । भारत र वेस्टइंडिज बिचको अन्तिम टि–२० मा भारतले ६७ रनले जित हासिल गरेको छ । पहिले टस जितेर वेस्टइंडिजले भारतलाई ब्याटिङ्गको निम्तो दिएको थियो । पहिले ब्याटिङ्ग गरेको भारतले २० ओभर खेल्दैँ ३ विकेट गुमाएर २४० रन बनाएको थियो । भारतका लागि ओपनर रोहित र्शमा र केएल राहुलले पहिलो विकेटका लागि १३५ रनको साझेदारी गरेका थिए । रोहित र्शमा व्यत्तिगत ७१ रनमा आउट भएका थिए भने केएल राहुल ९१ बनाएर आउट भएका थिए ।
त्यसपछि ब्याटिङ्ग गर्न आएका भारतका कप्तान विराट कोहलीले पनि वेस्फोटक ब्याटिङ्ग गर्दै २९ बलमा ७० रन बनाएका थिए । २४१ रनको लक्ष्य पछाएको वेस्टइंडिजले २० ओभरमा ८ विकेट गुमाएर १७३ रन मात्र बनाउन सफल भयो । वेस्टइंडिजका लागि सर्वाधिक रन काईरन पोलाडले बनाएका थिए । उनी ३९ बलमा ६८ रन बनाएर आउट भएका थिए ।
६७ रनको जितसँगै भारतले श्रृखला पनि २–१ जितको छ ।
वि.सं.२०७६ मंसिर २६ बिहीवार १०:५९ मा प्रकाशित