Sansar News- Nepal's Fast Khabar Online News Portal

कार्तिक महिनामा प्रवासमा हराएका नौ नेपाली सपना

संसार न्यूज़
२ महिना पहिले
कार्तिक महिनामा  प्रवासमा हराएका नौ नेपाली सपना

बैदेशिक रोजगारी तथा अध्ययनका क्रममा विभिन्न देश पुगेका केही नेपाली प्रवासमा हराएका छन् ।

जसमा अमेरिकामा १, कुवेतमा २, कोरियामा १, जापानमा १ र मलेसियामा ३ जना गरेर नौ नेपाली सपना विदेशी भूमिमा हराएको समाचारसंसारन्युजलाई प्राप्त भएको छ ।

अमेरिकामा विजय रेग्मीको निधन भएको छ । नेपाली जनसम्पर्क समिति अमेरिकाको सिकागो क्षेत्रका संस्थापक कोषाध्यक्षसमेत रहेका रेग्मीको असामयिक निधनले जनसम्पर्क परिवार मर्माहत भएको भन्दै नेपाली काँग्रेसका आमन्त्रित सदस्य आनन्द विष्टले दुःख व्यक्त गरेका छन् ।

रेग्मीको कात्तिक ३० (नोभेम्बर १६) का दिन मृत्यु भएको हो । उनको के कारणले मृत्यु भयो भन्ने खुलाइएको छैन ।

मलेसिया पुगेको २ महिना नपुग्दै पाल्पाका यमबहादुर बयम्बुको मृत्यु भएको छ । पाल्पाको निस्दी गाउँपालिका ६ अर्चलेका बयम्बुको कम्पनीले समयमै उपचार नगरेका कारण मृत्यु भएको उनकी बहिनी कान्तिसराको भनाई उल्लेख गर्दै पाल्पाबाट पत्रकार देवबहादुर पचभैयाले लेखेका छन् । गम्भीर बिरामी भएका ४२ वर्षीय बयम्बुको उपचारका क्रममा कात्तिक २६ (१२ नोभेम्बर) मा ज्यान गएको हो ।

काठमाडौंको रिजा म्यानपावरबाट मलेसियामा रहेको जेराई सेक्युरेटी सर्भिसमा काम गर्न पुगेका उनलाई गम्भीर बिमार हुँदा पनि कम्पनीेले नाटक गरेको भन्दै उपचारमा हेलचेक्रयाइँ गरेको बताइएको छ । त्यस्तै म्यानपावरकी सञ्चालक पुनम श्रेष्ठले आफूले उपचारका लागि पहल गरेपनि नभएको बताएकी छन् । बिरामी भएको १० दिनपछि मात्र बयम्बुलाई कम्पनीले उपचारका लागि अस्पताल लगेको बताइएको छ । कम्पनीको लापरवाहीकै कारणले मृत्यु भएको भन्दै बयम्बुको परिवारले मलेसियन कम्पनी र म्यानपावरमाथि कारबाहीको माग गरेका छन् । बयम्बुको परिवारमा बुवाआमा, श्रीमती, दुई छोरा र एक छोरी छन् ।

कोरियामा कार्यरत संजय विकको मृत्यु भएको छ । रौतहट घर भइ ६ वर्षदेखि कोरियामा बस्दै आएका ३५ वर्षीया बिकको उपचारका क्रममा कात्तिक २७ (१३ नोभेम्बर) मा दिन मृत्यु भएको हो । करिब ६ वर्षअघि पर्यटन भिषामा कोरिया छिरेर अवैधानिक रुपमा बस्दै आएका बिक हेपाटाइटिसबाट ग्रस्त भएको र उपचारका क्रममा सोल नेशनल मेडिकल सेन्टरमा मृत्यु भएको नेपाली सम्पर्क समिति (एनसिसि) कोरियाका अध्यक्ष अन्जु केसीले जानकारी दिएकी छन् । उनको दाहसंस्कार कोरियामै गरिने पनि केसीले जनाएकी छन् । बिककी श्रीमती कोरियामै कार्यरत रहेकी छन् भने उनीहरूका एक छोरा रहेको बताइएको छ ।

रोजगारीका लागि कुवेत पुगेका दाङका जबिन्द्र परियारको मृत्यु भएको छ । घोराही उपमहानगरपालिका २ सुकेडाँगीका ३६ वर्षीय परियारको कुवेत पुगेको डेढ महिनामै कार्तिक २४ (नोभेम्बर १०) मा मृत्यु भएको बताइएको छ । सेप्टेम्बर २७ मा कुवेतको मरिना थाई रेष्टुरेण्टमा काम गर्न पुगेका उनी दुई दिन मात्रै ड्युटी गरेपछि बिरामी परेका थिए । एक्कासी टाउको दुखेपछि अक्टोबर २ मा फर्वानियाको अल सिफा अस्पतालमा पु¥याइएको थियो । उक्त अस्पतालमा उपचार हुन नसकेपछि त्यहाँबाट उनलाई रिफर गरिएको थियो । अस्पतालका अनुसार उनलाई मष्तिस्कमा क्षयरोग लागेको र लामो समय उपचार गर्दा पनि डाक्टरले बचाउन नसकेको मृतकका भाइ शैलेन्द्र परियारले जनाएका छन् । उनको परिवारमा एक छोरा, एक छोरी र श्रीमती रहेको बताइएको छ ।

कुवेतमै भोजपुरका ३९ वर्षीय पदम बहादुर मगरको मृत्यु भएको छ । रोजगारीका लागि ६ महिना अघिमात्र कुवेतको आरआइसि कुलेक्स कम्पनीमा काम गर्न पुगेका मगर आफू कार्यरत कम्पनीमै कात्तिक ६ (अक्टोबर २३) मा मृत भेटिएका हुन् । काम सकेर कोठामा समयमै नआएपछि खोजी गर्दा कार्यस्थलमै भुँइमा लडेको अवस्थामा भेटिएका थिए ।

जापानमा कार्यरत कास्की हेम्जाका चिरञ्जीवी गिरीको ट्रकको ठक्करबाट ज्यान गएको छ । तीन महिना अघि मात्र अध्ययनका लागि जापान पुगेका गिरीलाई जापानको स ेन् द ा इ क ा े मियागिनो वार्डमा साइकलबाट जेब्रा क्रसिङ गरिरहेका बेला ट्रकले ठक्कर दिएको जापानी
प्रहरीले जनाएको छ ।

दुर्घटनामा परि घाइते भएका गिरीलाई नजिकैको अस्पताल पु¥याइए पनि त्यहाँका चिकित्सकले तत्कालै मृत घोषणा गरेका थिए । ठक्कर दिने ट्रक प्रहरी नियन्त्रणमा रहेको बताइएको छ ।

मलेसियाको जोहारमा कार्यरत सप्तरीका प्रमोद भिनवारको मृत्यु भएको छ । तिरुहुत गाउँपालिका ३ पिप्रराहीटोलका ३२ वर्षीय भिनवार ड्युटी जाने क्रममा एक्कासी बेहोस भएपछि मृत्यु भएको उनका जेठान सुरेन्द्र कुमार यादवले जानकारी दिएका छन् । जोहर मोआर एसिया कुन्दन उल्लुस्थित जिलियन कक्रेसियन कम्पनीमा कार्यरत यादवको कात्तिक तेश्रो साता मृत्यु भएको हो । अचानक बेहोस भएका उनको के कारणले मृत्यु भयो भन्ने खुल्न सकेको छैन । दुई वर्ष अगाडि मलेसिया पुगेका उनको मृत्युपछि पीडामा परेको परिवारले उनको शब नेपाल ल्याइदिन सरकारसँग अनुरोध गरेका छन् ।

मलेसियामै दाङका अर्का युवाको मृत्यु भएको छ । दाङको शान्तिनगर गाउँपालिका २ बाघमारेका ४२ वर्षीय मोहन केसीको असोज २९ गते मृत्यु भएको हो । दसैंको टिकाको दिन एक्कासी बेहोस् भएका उनको मलेसियाको सालम अस्पतालमा उपचारका लागि लगिएको र उपचारकै क्रममा मृत्यु भएको उनका आफन्त शुरेस ओलीले जानकारी दिएका छन् । डिएचएल सप्लाइ चैन कम्पनीमा कामगर्ने उनी एक महिना अघिमात्र मलेसिया पुगेका थिए ।

सर्बाधिक पढिएको

यस्तो छ, प्रहरी कर्मचारीलाई समायोजन गर्न बनेको विधयेक(हेर्नुस् विस्तृतमा)

यस्तो छ, प्रहरी कर्मचारीलाई समायोजन गर्न बनेको विधयेक(हेर्नुस् विस्तृतमा) २ दिन पहिले | संसार न्यूज़

सरकारले प्रहरी कर्मचारीलाई नेपाल प्रहरी तथा प्रदेश प्रहरीमा समायोजन गर्ने…

अख्तियारको भनाई गलत –संविधानविद् आचार्य

अख्तियारको भनाई गलत –संविधानविद् आचार्य ३ हप्ता पहिले | संसार न्यूज़

संविधानविद्  डा.  भिमार्जुन आचार्यले अख्तियार दुरुपयोग अनुसन्धान आयोगले ललित निवास…

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ?

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ? १ हप्ता पहिले | संसार न्यूज़

५ फागुन, काठमाण्डौ । नेपाली सेनाको व्यवस्थापन तथा नेपाली सेना…

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ?

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ? ३ हप्ता पहिले | संसार न्यूज़

२४ माघ, काठमाण्डौं । नेपाल कम्युनिष्ट पार्टी (नेकपा) ले आफ्नो…