१० पुष, काठमाण्डौ । बलिउड नायक सल्मान खानलाई फिल्ममा लगातार सफलता हात लाग्दै आएको छ ।
हालै भारत नेपाल लगायतका देशमा चलिरहेको दबंग ३ ले लागेको एकसाता नबित्दै १०० करोड नाघेको समाचार छ ।
यो फिल्मसँगै १०० करोडको व्यापार गर्ने फिल्म दबंग ३, १५ औ नम्बरमा परेको छ ।
सोनाक्षी सिन्हा, किच्चा सुदीप, सई मांजरेकर लगायत कलाकारको महत्वपूर्ण भूमिका रहेको उक्त फिल्म गत शुक्रबार मात्र प्रदर्शनमा आएको थियो । भारतमा जारी रहेको नागरिकता आन्दोलनका कारण तथा सोहि फिल्मकी नायिका सोनाक्षीले पनि फिल्मको प्रचार भन्दा आन्दोलनलाई साथ दिने कुरो बाहिर आइरहेको बेलामा पनि फिल्ममा कुनै असर नपरी यतिधेरै सफलता हात पारेको चलचित्र विश्लेषकहरु बताउँछन् ।
यी हुन् १०० करोड कमाउने सल्मानका १५ फिल्म
बाक्स अफिस इण्डियाको तथ्यांक अनुसार सन् २०१० मा प्रदर्शनमा आएको ‘दबंग’ ले १४१ करोड कमाएको थियो भने सन् २०११ मा बनेको ‘रेडि’ फिल्मले १२०, २०११ मा बनेको ‘बडिगार्ड’ले १४४, सन् २०१२ मा बनेको ‘एक था टाइगर’ले १८६ करोड, २०१२ मा बनेको ‘दबंग २’ ले १४९ करोड, २०१४ मा बनेको ‘जय हो’ ले १०९ करोड, २०१४ मा बनेको ‘किक’ ले २११ करोड, २०१५ मा बनेको ‘प्रेम रतन धन पायो’ ले १९४ करोड, २०१६ मा बनेको ‘सुल्तान’ ले ३०० करोड,२०१७ मा बनेको ‘ट्युवलाइट’ ले ११४ करोड, २०१७ मा बनेको ‘टाइगर जिन्दा है’ं ले ३३९ करोड, २०१७ मा बनेको ‘रेस’ ले १६६ करोड, २०१९ मा बनेको भारत’ ले १९७ करोड र २०१९ मा बनेको ‘दबंग ३’ ले १०३ करोड कमाएको छ ।
वि.सं.२०७६ पुस १० बिहीवार ११:३२ मा प्रकाशित