हरेक मान्छेमा यहाँ सुखको लालसा हुन्छ
खुशिले जीवन बिताउने अभिलाषा हुन्छ ।
सोंचे जसो कहाँ हुँदोरहेछ भाग्य सबैको
कहिले काँही नसोंचेको ठुलो तमासा हुन्छ ।
डुब्न लागेको मान्छेले खोज्छ कसैको सहारा
अन्तिम साँस हुन्जेल बाँच्ने कतै आसा हुन्छ ।
कुट्नु भन्दा कटु बचनले लाग्छ चोट मनमा
कसैको वाचा पिर भुलाउने दिलासा हुन्छ ।
जसो गरेनि ‘अरुण’ संतोष मिल्दैन कतै
तिर्खा मेटेपनि फेरि पनि मन प्यासा हुन्छ ।
वि.सं.२०७६ पुस १२ शनिवार १०:४९ मा प्रकाशित
