१७ पुस, काठमाडौँ । बलिउडका अभिनेता राजकुमार रावले उनको आगामी चलचित्र ‘लुडो’ बाट आफ्नो २ लुक सामाजिक संजाल इन्स्टाग्राम मार्फत सेयर गरेका छन् ।
उनले सेयर गरेका फोटोमा उनी एउटामा युवतीको भेषमा देखिएका छन् भने अर्को फोटोमा ८० को दशकमा अभिनेता मिथुन चक्रवर्तीको लुकबाट प्रेरित भएको देखिएको छ । रावले सेयर गरेका फोटोका कमेन्टहरुमा फ्यानले तारिफ गर्दै राजकुमारी राव भनेर कमेन्ट समेत गरेका छन भने केहिले पहिलो फोटोमा राजकुमारको लुक आलिया भट्ट वा कृति सेननसँग मिलेको बताएका छन् ।
उक्त चलचित्र ‘लुडो’ लाई अनुराग बसुले निदेर्शन गर्दैछन् भने राव लगायत अभिषेक बच्चन, तानी वासु फतिमा सेना शेख, रोहित शर्राफ, आदित्य रोय कपुर, सान्या मल्होत्राको समेत अभिनय रहेको छ । लुडो २४ अप्रिलमा प्रदर्शन हुने बताइएको छ ।
राव लुडोपछि जाह्नवी कपूरसँग चलचित्र रुही आफजा र हँसिल मेहताको फिल्म चलांगमा नुसरत भरुचासँग देखिँदैछन् ।
वि.सं.२०७६ पुस १७ बिहीवार १४:५५ मा प्रकाशित