२३ पुस, काठमाडौँ । इलाका प्रहरी कार्यालय, तुलसीपुर, दाङका प्रहरी नायब निरीक्षक हेमन्त केसी पक्राउ परेका छन
।
दाङमा कार्यरत प्रहरी नायब निरीक्षक केसीले सार्वजनिक मुद्दा चलेको व्यक्तिलाई छुटाइदिए बापत सेवाग्राहीसँग घुस माग गर्ने गरेको भन्ने सूचना एवं उजुरीको आधारमा अख्तियार दुरुपयोग अनुसन्धान आयोगको टोलीले निजलाई सेवाग्राहीबाट ७ हजार घुस लिइसकेको अवस्थापमा उक्त घुस सहित पक्राउ गरेको हो ।
अनुसन्धानको सिलसिलामा केसीले धरौटी रकम कम गरी छिटो छाडिदिने भनी पटक–पटक दुस्ख हैरानी दिई घुस नदिए धरौटी धेरै हालिदिने भनी सेवाग्राहीसँग घुस लिएको पुष्टि भएकोले निजलाई भ्रष्टाचार निवारण ऐन बमोजिम सजाय हुन मागदाबी लिई आज विशेष अदालत काठमाडौँमा आरोपपत्र दायर गरिएको अख्तियारले जनाएको छ ।
वि.सं.२०७६ पुस २३ बुधवार १६:०५ मा प्रकाशित