२४ पुष, काठमाण्डौं । समाजवादी पार्टी नेपालका केन्द्रीय सदस्य महेन्द्रजंग लामिछाने (अमर) को निधन भएको छ ।
कामको सिलसिलामा पर्वतबाट काठमाण्डौं आएका लामिछानेलाई विहिबार विहान सार्वजनिक यातायातभित्र चक्कर लागेर बेहोस भएपछि अस्पताल पुर्याएको बताइएको छ ।
प्रहरीलाई उद्धृत गर्दै उनका एक आफन्तले भने अनुसार लामिछानेलाई हृदयघात भएको आशंका गरिएको छ । २०५४ मा तत्कालिन एमालेको यूवा जिम्मेवारी छाड्दै जनयुद्धको बाटोमा लागेका लामिछाने पर्वतको माओवादी आन्दोलनमा पहिचान बनाएका व्यक्ति हुन् ।
शान्ति वार्तापछि डा.बाबुरामको लाइनमा लागेका लामिछाने नयाँशक्ति पार्टी पर्वतको अध्यक्ष हुँदै समाजवादीका केन्द्रीय सदस्यका रुपमा सक्रिए थिए । पारीवारीक श्रोतका अनुसार त्रिभुवन विश्वविद्यालय शिक्षण अस्पतालमा पोस्टमार्टमपछि अन्त्येष्टिका लागि उनको शब पर्वत पुर्याइनेछ ।
वि.सं.२०७६ पुस २४ बिहीवार १५:३९ मा प्रकाशित