Sansar News- Nepal's Fast Khabar Online News Portal

कविता : अमेरिका

रवि रोदन, गान्तोक सिक्किम
८ महिना पहिले
कविता : अमेरिका

एलन गिन्सबर्ग !
तिमीले पतलुन खोलेर
अवचेतना विरुद्ध
मुख छाडेको
बिट पुस्ताहरु सम्झिन्दैछु

सम्झिन्दैछु
तिमीले अमेरिकातिर फर्केर
बोलेको खर्रो संवाद–

Go fuck yourself with your atom bom!

अर्थात
जाउ र सम्भोग गर आफ्नै परमाणु बमसित ।
औ अमेरिका !
तिमी शक्तिशाली हुनुको भ्रममा छौ
नामर्दहरुको शहरबाट
काफरेहरुको एउटा हुल मात्र तैयार पार्दैछौ
जस्का आँखाहरुले हरबखत
बारुदको गन्ध ओकल्छ
र खन्याउछ आगो
निर्दोषहरुको टाउकोमाथि ।
औ अमेरिका !
तिमीले निलो आकाशको धुरीबाट
सुटुक्कै
हिरोसिमा

नागसकीको टाउकोमाथि
त्यहाँ बस्ने निर्दोष मानिसहरुको गाउँमाथि
खसालेको बमको धुवाँ
अझ पनि निभेको छैन
युद्धको बेहिसाब
जर्जर कथाहरु तिमीसित छ
तर सब बदनाम छ ।
औ अमेरिका !
सनकी हुँदै
भद्दा गाली गर्दै
तिम्रो मानचित्रमा बेस्सरी थुक्नु मन परेको छ
पतलुन खोलेर पिसाब गर्न मन लागेको छ
निर्लज पुस्ताहरुको शहर ठड्याएर
तिमी के प्रमाणित गर्न चहान्छौ…??
औ अमेरिका !
सत्ताको रङ अनुहारमा दलेर
तिमीेले गरेको दलालीले
एकदिन
सर्वनाश ल्याउँनेछ हेर्दै जानु
नामेट हुनछौ तिमी
बारुदको शहर
आगोको शहर हुँदै…
नरकंकालको शहर बन्छौं तिमी !
औ अमेरिका !
तिमी विरुद्ध बोल्नेहरुको जिब्रो
तिमी किन थुत्छौ हँ..??
लाशहरुको टाउकोमाथि
घर बनाएर तिमी अल्गिएको भ्रम
कति बेरमाइलो छ !
औ अमेरिका !
सदाम हुसैन झुन्डाउने
औ अमेरिका !
बिन लादेनलाई क्यामपमै ठोक्ने
तिम्रो वर्चस्वले
विश्व हल्लिएको छ
तर तिम्रो खोक्रोपन
तिम्रो आडम्बर
तिम्रो नामर्दपनले
मानवता हार्दैछ…!!
औ अमेरिका !
डोनाल्ड ट्रम्प बहुलाएका छन्
आवेगमा लिएको निर्णय र सनकीपनले
घर घरको संघारमा
युद्धको घोडा उभिएको छ
रोटी बेल्ने आमाहरुले
अब कात्रो बुन्नु परेको छ
कहिले फुकाल्छौ मुखौटा..??
एलन गिन्सबर्ग !
तिमीले पतलुन खोलेर
अवचेतना विरुद्ध
मुख छाडेको
बिट पुस्ताहरु सम्झिन्दैछु

सम्झिन्दैछु तिमीले अमेरिकातिर फर्केर
बोलेको खर्रो संवाद-

Go fuck yourself with your atom bomb Û

अर्थात
जाउ र सम्भोग गर आफ्नै परमाणु बमसित ।

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो १ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ४ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…