२७ पुष, काठमाण्डौं । विहिबार देखि लगातार आएको वर्षाका कारण दुबईमा १८८० सवारी दुर्घटना भएका छन् ।
उक्त दुर्घटनामा ५५ दुर्घटना गम्भीर प्रकृतिका रहेको समेत युएई प्रहरीले जनाएको छ ।
विहिबार दिउसो १२ बजेदेखि शनिबार दिउँसो साढे तीनबजेसम्म भएका यी दुर्घटनाका कारण दुवई प्रहरीको आपतकालिन नम्बर ९९९ मा ५१ हजार ७४९ कल, र गैरआपतकालिन ९०१ नम्बरमा ५ हजार ६६२ फोन आएको समेत युएईबाट संचालित हुने खलिजटाइम्स अनलाइनले जनाएको छ ।
दुवई ट्राफिक विभागका महानिर्देशक ब्रिगेडियर सेफ माहिर अल मजरोइले सबै सवारी चालकहरुहरुलाई खराब मौसमको समयमा सावधानीपुर्वक सवारी चलाउन आग्रह गरेका छन् । उनले ट्राफिक नियमको पालना गर्नुका साथसाथै मौसमबारे जानकारी समेत लिन आग्रह गरेका छन् ।
वि.सं.२०७६ पुस २७ आइतवार १६:०६ मा प्रकाशित
