Sansar News- Nepal's Fast Khabar Online News Portal

तात्यो सेयर बजार, एकै दिनमा १ अर्ब ७० करोड कारोबार

संसार न्यूज़
४ दिन पहिले
तात्यो सेयर बजार, एकै दिनमा १ अर्ब ७० करोड कारोबार

२८ पुस, काठमाडौँ । सेयर बजारमा एकाएक खरिदबिक्री रकमले नयाँ हलचल पैदा गरेको छ । दैनिक २० करोडभन्दा तल झरेको सेयर कारोबार रकममा केही दिनमै सुधार हुँदै सोमबार १ अर्ब ७० करोड रुपैयाँ माथि आइपुगेको छ ।

बजारमा यसरी पैसा आउँदा आम लगानीकर्ता आश्चर्य चकित भएका छन् । वर्षौदेखि निराश बनेका आम लगानीकर्तालाई यसले नयाँ उत्साह पैदा गराइदिएको छ । बजारमा धैर्य गर्न सक्यो भने एकपटक पालो आउँछ भन्ने सन्देश पनि यसले दिएको छ ।

साथै, घटबढ बजारको सामान्य नियम हो । बढ्दा पनि निरन्तर माथि जाने होइन अनि घटेका बेला पनि सधैं तलमात्रै झर्छ भन्ने मानसिकता लिन हुँदैन भन्ने सन्देश समेत यसले दिएको छ । सामान्य अवस्थामा अफसिजन मानिने पुसमा सेयर बजारमा देखिएको यो उत्साहले बजारको सकारात्मक भविष्यको संकेत गर्छ । यद्दपि, बढेका बेला आत्तिने र मात्तिने भन्दा पनि सुक्ष्म रुपमा कम्पनीहरुको अवलोकन, मूल्य अवस्था, नाफा लगायतका पक्षलाई ध्यान दिन आवश्यक हुन्छ ।

४२ महिनादेखि वियरिस प्रवृत्तिमा रहेको हाम्रो बजार गत वर्ष चैतदेखि केही सुधार भएको थियो । तर बजेटपछि बजारले फेरि ओरालो यात्रा सुरु गर्यो । त्यसपछि निरन्तर घटेको बजारले अहिले पुसमा आएर मात्र सकारात्मक मोड लिएको हो । बैंकिङ प्रणालीमा अधिक तरलता हुनु, ब्याजदर घट्ने क्रम विस्तारै सुरु हुनु अनि सूचीकृत कम्पनीहरुले दोस्रो त्रैमासमा पनि नाफा बढाएको वित्तीय विवरण सार्वजनिक गर्ने अपेक्षा गरिनु लगायतका कारण सेयर बजार माथि लागेको हो ।

करिब ४२ महिनाको वियरिस यात्रा गरेको बजारमा बुल रनको अवधि पनि निकै लामो हुने अनुमान छ । यसबीचमा बजार तलमाथि गर्दै अघि बढ्ने विश्वास गर्न सकिन्छ । बजारले सरकारको नीतिनियम पुँजी बजारमैत्री हुनुपर्छ । प्रविधिको विकास, ग्रामीण क्षेत्रसम्म सेयर बजारको पहुँच, वित्तीय साक्षरता प्रवद्र्धन लगायतका काम गरेर सेयर बजारलाई दिगो रुपमा अघि बढाउन सकिन्छ ।

सोमबार बजार मापक नेप्से सूचकमा भने निकै उतारचढाव आयो । बीचबीचमा सूचक तलमाथि गरिरहे पनि खरिदबिक्रीमा भने निरन्तर उत्साह देखिएको थियो । कारोबारको अन्तिम प्रहरतिर माइक्रोफाइनान्स र बिमा कम्पनीहरुमा केही बिक्री चाप बढेको छ । वाणिज्य र विकास बैंक समूह भने सोमबार पनि सबल देखिएका छन् । यस दिन लगानीकर्ताहरु हाइड्रोपावर समूहमा समेत आकर्षित भएका छन् । सानिमा माई हाइड्रपावर कम्पनीको १०५ ले भाउ बढेर सर्किट ब्रेकर समेत लागेको छ । सस्तो भएपछि लगानीकर्ता त्यतातिर पनि झुम्मिएको अनुमान छ ।

नेप्से सूचक सोमबार १५.१४ अंकले बढेर १२७०.८६ विन्दुमा आइपुगेको छ । १८३ कम्पनीको १ अर्ब ७० करोड रुपैयाँभन्दा बढीको कारोबार भएको छ । ५५ लाख १८ हजार ६३६ कित्ता सेयर खरिदबिक्री भएका छन् । १२ समूहको कारोबार भएकामा १० समूहको सूचक माथि लागेको छ । सबैभन्दा धेरै जीवन बिमा समूहको सूचक ५२।०७ अंकले बढेको छ । वाणिज्य बैंक समूहको सूचक पनि १४.८१ अंकले माथि लागेको छ ।

कारोबार रकममा नेपाल टेलिकम अग्रस्थानमा छ । यसको ६ करोड रुपैयाँभन्दा बढीको कारोबार भएको छ । दोस्रो र तेस्रोमा नेपाल लाइफ इन्सुरेन्स र एनआइसी एसिया बैंक परेका छन् । यस दिन घोडिघोडा लघुवित्त र सानिमा माई हाइड्रोपावरको सेयर भाउ १०५ ले बढेर सर्किट ब्रेकर लागेको छ । सबैभन्दा धेरै सिभिल लघुवित्तको भाउ ५.९८५ ले घटेको छ ।

सर्बाधिक पढिएको

गरीबलाई धनी बनाउने माध्यमका रुपमा सहकारी विकास गर्दै – मन्त्री अर्याल

गरीबलाई धनी बनाउने माध्यमका रुपमा सहकारी विकास गर्दै – मन्त्री अर्याल २ महिना पहिले | संसार न्यूज़

१० मङ्सिर, स्याङ्जा । भूमि, व्यवस्था सहकारी तथा गरीबी निवारणमन्त्री…

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ ५ महिना पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा ५ महिना पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

National automotive engineering conference on May 10 and 11

National automotive engineering conference on May 10 and 11 ८ महिना पहिले | संसार न्यूज़

6 May, Banepa - The Kathmandu University and the Institute…

International airport to remain closed for half an hour

International airport to remain closed for half an hour ३ वर्ष पहिले | संसार न्यूज़

23 june, Kathmandu- The Tribhuvan international Airport (TIA) would remain…