Sansar News- Nepal's Fast Khabar Online News Portal

प्रभावकारी बन्दै मुख्यमन्त्री ग्रामीण विकास कार्यक्रम

संसार न्यूज़
१ महिना पहिले
प्रभावकारी बन्दै मुख्यमन्त्री ग्रामीण विकास कार्यक्रम

३ माघ, बाँके । प्रदेश नं ५ सरकारले सञ्चालन गरेको मुख्यमन्त्री ग्रामीण विकास कार्यक्रम बाँकेमा प्रभावकारी देखिएको छ ।

अति गरिब, विपन्न परिवार, मधेशी मुस्लिम, महिला बालबालिका, एकल महिला, शिक्षामा पछि परेका समुदाय र व्यक्तिको लागि आयआर्जन, शिक्षा र अति आवश्यकीय सहयोगको लागि मुख्यमन्त्री ग्रामीण विकास कार्यक्रम सञ्चालन भएको कार्यक्रमका सहजकर्ता केशव चालिसेले जानकारी दिए ।

उनका अनुसार, अति गरिब, विपन्न र आर्थिकरुपले पछाडि परेका परिवारलाई प्रत्यक्ष सहयोग हुने गरी कार्यक्रम सञ्चालन गरिएको छ । यो वर्ष पनि गतवर्षका कार्यक्रमलाई निरन्तरता दिँदै केही थप गरिने छ । गत वर्ष बाँकेका तीन गाउँपालिकामा सञ्चालन भएकोमा यो वर्षदेखि सबै गाउँपालिकामा मुख्यमन्त्री ग्रामीण विकास कार्यक्रम सञ्चालन भएको छ ।

कार्यक्रमअन्तर्गत बेरोजगार महिलालाई सीपमूलक तालीम, कृषकलाई बीउ, अपाङ्गता भएका व्यक्तिलाई सहायता सामग्री र सामुदायिक विद्यालयमा अध्ययनरत बालबालिकालाई झोला वितरण गरिएको मुख्यमन्त्री ग्रामीण विकास कार्यक्रमका सहजकर्ता चालिसेले जानकारी दिए ।

जिल्ला समन्वय समिति बाँकेका संयोजक अजय श्रीवास्तवले गत वर्ष जिल्लाका तीन वटा गाउँपालिकामा मात्रै सञ्चालन भएको मुख्यमन्त्री ग्रामीण विकास कार्यक्रम यस वर्ष जिल्लाका सबै गाउँपालिकामा सञ्चालन हुनु खुशीको कुरा भएको बताए ।

उनले मुख्यमन्त्री ग्रामीण विकास कार्यक्रमलाई प्रभावकारी रुपमा कार्यान्वयन गरी जनतालाई प्रदेश सरकारको अनुभूति गराउनु र जिल्ला समन्वय समितिको आवश्यक सहयोग र समन्वय गर्न तयार रहेको बताए ।खजुरा गाउँपालिकाका अध्यक्ष किस्मतकुमार कक्षपतिले मुख्यमन्त्री ग्रामीण विकास कार्यक्रमबाट गाउँपालिकामा परिवर्तनका हुने गरी योजना बनाएर निष्पक्ष र पारदर्शीरुपमा कार्यक्रम सञ्चालन गरिने बताए ।

राप्तीसोनारी गाउँपालिकाका अध्यक्ष लाहुराम थारुले भौगोलिक रुपमा ठूलो रहेको राप्ती सोनारी गाउँपालिकामा मुख्यमन्त्री ग्रामीण विकास कार्यक्रमले सबैभन्दा बढी प्रभावित र अति विपन्न परिवारलाई प्रत्यक्ष लाभ हुने गरी कार्यक्रम सञ्चालन गरिने बताए ।

बैजनाथ गाउँपालिकाका अध्यक्ष मानबहादुर रुचालले कार्यक्रम निर्देशिकाले तोकेको दायरा र कार्यक्षत्रका आधारमा कार्यक्रम सञ्चालन गरिने बताए । बाँकेमा गत आर्थिक वर्षमा तीन गाउँपालिकामा मात्रै सञ्चालन भएकोमा यो आर्थिक वर्ष छ गाउँपालिकामा कार्यक्रम सञ्चालन भएको मुख्यमन्त्री तथा मन्त्रिपरिषद् कार्यालयका कानुन सचिव राजेन्द्र थापाले जानकारी दिए ।

उनका अनुसार, कार्यक्रमलाई प्रभावकारी बनाउन यस वर्षदेखि कार्यक्रम सञ्चालन हुने बाँकेका राप्तीसोनारी, खजुरा र बैजनाथ गाउँपालिकास्तरीय कार्यक्रम कार्यान्वयन तथा सिफारिस समितिका पदाधिकारी र जिल्ला व्यवस्थापन तथा समन्वय समितिका पदाधिकारीलाई अभिमुखीकरण दिइएको छ ।

उनले कार्यक्रम कार्यान्वयनका लागि गाउँपालिकास्तरीय समितिको भूमिका महत्वपूर्ण भएकाले कार्यविधिअनुसार कार्यक्रम सञ्चालनका लागि समिति पदाधिकारीलाई अनुरोध गर्दै ग्रामीणस्तरका आर्थिक रुपले विपन्न परिवारलाई प्रत्यक्षरुपमा सहयोग पुग्ने र अनुभूति हुने गरी कार्यक्रम सञ्चालन गर्नुपर्ने बताए ।

मुख्यमन्त्री ग्रामीण विकास कार्यक्रम बाँकेको जानकी, डुडुवा र नरैनापुर गरी तीन गाउँपालिकामा गत वर्षदेखि सञ्चालन भएकोमा यो वर्षदेखि खजुरा, बैजनाथ र राप्तीसोनारी गरी तीन गाउँपालिकामा कार्यक्रम सञ्चालन भइरहको जिल्ला कार्यक्रम सहजकर्ता चालिसेले जानकारी दिए ।

सर्बाधिक पढिएको

यस्तो छ, प्रहरी कर्मचारीलाई समायोजन गर्न बनेको विधयेक(हेर्नुस् विस्तृतमा)

यस्तो छ, प्रहरी कर्मचारीलाई समायोजन गर्न बनेको विधयेक(हेर्नुस् विस्तृतमा) २ दिन पहिले | संसार न्यूज़

सरकारले प्रहरी कर्मचारीलाई नेपाल प्रहरी तथा प्रदेश प्रहरीमा समायोजन गर्ने…

अख्तियारको भनाई गलत –संविधानविद् आचार्य

अख्तियारको भनाई गलत –संविधानविद् आचार्य ३ हप्ता पहिले | संसार न्यूज़

संविधानविद्  डा.  भिमार्जुन आचार्यले अख्तियार दुरुपयोग अनुसन्धान आयोगले ललित निवास…

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ?

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ? १ हप्ता पहिले | संसार न्यूज़

५ फागुन, काठमाण्डौ । नेपाली सेनाको व्यवस्थापन तथा नेपाली सेना…

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ?

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ? ३ हप्ता पहिले | संसार न्यूज़

२४ माघ, काठमाण्डौं । नेपाल कम्युनिष्ट पार्टी (नेकपा) ले आफ्नो…