इन्द्रेनीमा आकाश खोज्दा ठेस लागि लडें ।।
अँधेरीमा चाँद खोज्दा ठेस लागि लडें ।।
टाढा जानू थियोे भीर पाखा पहरा हुँदै
पखेरीमा साथ खोज्दा ठेस लागि लडें ।।
सिकार खेल्न मन लागि पासो थाप्न खोज्दा
बनेलीमा जाल खोज्दा ठेस लागि लडें ।।
चिसो रातमा मुटु चिसो ज्यानै चिसो भयो
अँगेठीमा राप खोज्दा ठेस लागि लडें ।।
थकाइले सिथिल भएँ, भएँ कमजोर
मझेरीमा खाट खोज्दा ठेस लागि लडें ।।
(ए उला १५ अक्षर, ए सानी १४ अक्षर)
वि.सं.२०७६ माघ ४ शनिवार ११:२३ मा प्रकाशित